Cockroach Janata Party: कॉकरोच जनता पार्टीसोबत काँग्रेस करणार युती? बड्या नेत्याच्या ट्विटनं राजकीय वर्तुळात खळबळ

सोशल मीडियावर तुफान लोकप्रिय झालेली कॉकरोच जनता पार्टीला अनेक राजकीय पक्ष पाठिंबा देत आहे. सीजेपीला अनेक नेते एक डिजिटल आंदोलन म्हणत आहेत. सीजेपीला सरकारविरोधातील असंतोष आणि तरुणांची नाराजीचं प्रतीक असल्याचं म्हटलं जातं आहे.

दरम्यान या 'कॉकरोच जनता पार्टीच्या अनोख्या उममामुळे ही चळवळ राजकीय चर्चेचा विषय बनली आहे. या ऑनलाइन पार्टीबाबत एका काँग्रेस नेत्यानं महत्त्वाची प्रतिक्रिया दिली आहे. कॉकरोज पार्टीनं काँग्रेससोबत यावं, असं भाष्य त्यांनी केलंय. त्यामुळे पुढील काळात काँग्रेस नव्या राजकीय पक्षासोबत युती करेल का यावरून चर्चांना उधाण आले आहे.

राहुल गांधींचं नेतृत्व स्वीकारावं

काँग्रेस नेते उदित राज यांनी आपल्या निवेदनात असेही म्हटलं की,कॉकरोच जनता पार्टीसारख्या डिजिटल चळवळीला जर खऱ्या राजकीय शक्तीमध्ये रूपांतरित व्हायचे असेल, तर त्यासाठी प्रस्थापित नेतृत्वाची गरज लागेल. त्यामुळे राहुल गांधींचे नेतृत्व या असंतोषाला आणि ऊर्जेला संविधान आणि लोकशाहीच्या संरक्षणासाठी एका मोठ्या चळवळीत रूपांतरित करू शकते. जर ही ऊर्जा विखुरली गेली, तर तिचा प्रभाव कमी होऊ शकतो, असं उदित राज म्हणालेत.

तृणमूल काँग्रेसनेही पाठिंबा दर्शवला

दरम्यान, तृणमूल काँग्रेसनेही या ऑनलाइन पार्टीला पाठिंबा दर्शवला आहे. पक्षाचे राज्यसभा खासदार, डेरेक ओ'ब्रायन यांनी एका सोशल मीडिया पोस्टमध्ये सूचित केले की, त्यांचा पक्ष अशा डिजिटल आवाजांना गांभीर्याने घेतो आणि लोकशाही मुद्द्यांवर सक्रिय सहभागाला पाठिंबा देतो. राजकीय वर्तुळात या पाठिंब्यावर विविध अर्थ लावले जात आहेत.