जम्मू-काश्मीर: पंतप्रधान नरेंद्र मोदी यांच्या दौऱ्याच्या दोन दिवस आधी, जम्मूमध्ये लष्करी आस्थापनेजवळ सुरक्षा दल आणि दहशतवाद्यांमध्ये भीषण चकमक झाली, जी अजूनही सुरू आहे. सुरुवातीच्या गोळीबारात एक सुरक्षा अधिकारी शहीद (Martyr) झाले आणि चार जवान जखमी झाले, असे अधिकाऱ्यांनी सांगितले. मिळालेल्या माहितीनुसार, या चकमकीत दोन दहशतवादी (terrorist) मारले गेले. जम्मू शहरातील सुंजवान (Sunjwan) कॅन्टोन्मेंट परिसरात पहाटे सुरक्षा दलांनी कारवाई सुरू केली तेव्हा चकमक सुरू झाली. दहशतवादी शहरात हल्ला करण्याची योजना आखत असल्याची माहिती त्यांच्याकडे असल्याचे पोलिसांनी सांगितले. (Encounter before the Prime Minister Modi's visit; 2 terrorists killed, one army officer martyred)

हे देखील पहा -

जम्मू आणि काश्मीरचे (Jammu And Kashmir) पोलीस प्रमुख दिलबाग सिंग यांनी प्रसारमाध्यमांना सांगितले की, "सुंजवान चकमकीत दोन दहशतवादी ठार झाले आहेत. सुंजवानमध्ये लपलेले दहशतवादी मोठ्या हल्ल्याची योजना आखत होते. सुरक्षा दलांना जास्तीत जास्त जीवितहानी करणे हा त्यांचा उद्देश होता." या चकमकीची माहिती देताना जम्मूचे अतिरिक्त पोलीस महासंचालक मुकेश सिंग म्हणाले, "आम्हाला माहिती मिळाली की दहशतवादी येथे लपून काही योजना आखत आहेत. आम्ही रात्रीच्या वेळी परिसराला वेढा घातला. सकाळी दहशतवाद्यांनी गोळीबार सुरू होता. ज्यामध्ये सुरक्षा दलाचा एक जवान शहीद झाला असून चार जवान जखमी झाले आहेत. चकमक सुरू आहे."

दुसरीकडे सीआयएसएफच्या एका अधिकाऱ्याने सांगितले की, दहशतवाद्यांनी सकाळी सीआयएसएफच्या बसवर हल्ला केला. ज्यामध्ये 15 सैनिक होते. सीआयएसएफने प्रत्युत्तर देत दहशतवाद्यांना पळून जाण्यास भाग पाडले. या चकमकीत सीआयएसएफचा एक अधिकारी शहीद झाला तर दोन जवान जखमी झाले.

पंतप्रधान मोदींच्या जम्मू-काश्मीर दौऱ्यापूर्वी ही चकमक झाली. पंतप्रधान मोदी रविवारी जम्मूला जाणार आहेत. येथे पीएम मोदी एका मोठ्या रॅलीला संबोधित करतील, ज्यात पल्ली गावात हजारो पंचायत सदस्य सहभागी होतील. त्यांच्या दौऱ्याच्या अगोदर येथे हाय अलर्ट ठेवण्यात आला असून सुरक्षा दलांकडून चोवीस तास गस्त घातली जात आहे. कलम 370 आणि 35A द्वारे जम्मू-काश्मीरला दिलेला विशेष दर्जा हटवल्यानंतर पंतप्रधान मोदींची ही पहिलीच राजकीय भेट आहे.

Edited By - Akshay Baisane