दुसऱ्या महायुद्धात अणुबॉम्बमुळे बेचिराख झालेल्या जपानमधील हिरोशिमा आणि नागासाकी शहराच्या जखमा अजूनही भरल्या नाहीत. त्यातच आता उद्योगपती स्पेस एक्सचे प्रमुख एलॉन मस्क यांनी तिसऱ्या महायुद्धाबाबत गंभीर इशारा दिलाय. नेमकं काय म्हणालेत मस्क? पाहूयात.

येत्या 5-10 वर्षात मोठं जागतिक युद्ध होणार

या युद्धात अण्वस्त्रांचा वापर होण्याची शक्यता

सर्वबाजूंनी अण्वस्त्रांचा वापर होणारं हे पहिलं युद्ध ठरण्याची शक्यता

अण्वस्त्र प्रतिबंधक क्षमता अपयशी ठरण्याची शक्यता

दुसरीकडे शांततेची आणि युद्ध संपवण्याची भाषा करणारे डोनाल्ड ट्रम्प यांनीही रशिया-युक्रेन युद्ध तिसऱ्या महायुद्धाचं कारण ठरण्याचा इशारा दिलाय. एवढंच नाही तर नाटोच्या अध्यक्षांनीही रशियाच्या इशाऱ्यावर युरोप असल्याची भीती व्यक्त केलीय. त्यामुळे आता युरोपला युद्धासाठी सज्ज राहण्याचे आदेश दिलेत. अमेरिकेच्या अटींपुढे मान टाकण्यास युक्रेनने अजूनही होकार दिला नाही. त्यामुळे रशिया आणि युक्रेन युद्धाचा भ़डका उडतोच आहे. या युद्धात आतापर्यंत लाखो लोक आणि 25 हजार पेक्षा जास्त सैनिक मारले गेलेत.

त्यातच आता रशियाने युक्रेनच्या इमारतींवर 450 पेक्षा जास्त ड्रोन आणि मिसाईल डागलेत. आता हा विध्वंस असाच वाढत गेल्यास आणि ऱशिया युक्रेन युद्धात अमेरिका आणि युरोपची एण्ट्री झाल्यास जग 2 भागात विभागलं जाऊन तिसऱ्या महायुद्धाला तोंड फुटण्याची भीती आहे. अण्वस्त्रांच्या हल्ल्यांनी पृथ्वीवरचं मानवी आयुष्य संकटात सापडलंय.