मध्य प्रदेश, राजस्थान, छत्तीसगड, तेलंगणा आणि मिझोराममधील विधानसभा निवडणुकांची मतदान प्रक्रिया आजं संपत आहे. मतदानानंतर एक्झिट पोलचे निकाल कधी पाहता येतील, याबाबत निवडणूक आयोगाने मोठा निर्णय घेतला आहे.
निवडणूक आयोगाने जारी केलेल्या आदेशानुसार एक्झिट पोलच्या वेळेत बदल करण्यात आला आहे. निवडणूक आयोगाच्या पहिल्या आदेशानुसार, टीव्ही चॅनेल संध्याकाळी 6.30 नंतर एक्झिट पोल प्रसारित करू शकणार होते. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मात्र निवडणूक आयोगाने'एक्झिट पोल'बाबत नवी गाईडलाईन जारी केली आहे. आज सायंकाळी 6.30 ऐवजी 5.30 वाजल्यानंतर एक्झिट पोल दाखवता येणार आहे. मतदानानंतर अनेक माध्यमांकडून एक्झिट पोल जाहीर होणार आहेत.
मिझोराममध्ये सर्व 40 जागांवर 7 नोव्हेंबरला मतदान झाले होते. छत्तीसगडमध्ये पहिल्या टप्प्यात 7 नोव्हेंबरला 20 जागांवर मतदान झाले, तर दुसऱ्या टप्प्यात 70 जागांवर 17 नोव्हेंबरला मतदान झाले. मध्य प्रदेशातील सर्व 230 जागांसाठी 17 नोव्हेंबर रोजी मतदान झाले होते.
राजस्थानमध्ये 25 नोव्हेंबरला 200 जागांवर मतदान झाले आहे. तर आज तेलंगणातील 119 जागांवर मतदान होत आहे. पाच राज्यांच्या निवडणुकांचे निकाल ३ डिसेंबरला लागणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.