Delhi Earthquake Today : सोमवारी सकाळी सकाळी राजधानी दिल्ली भूकंपाने हादरली आहे. लोक साखरझोपेत असताना अचानक भूकंप झाल्यामुळे एकच खळबळ उडाली. भूकंपाचे झटके इतके मोठे होते की नागरिकांमध्ये भीतीचे वातवरण होते. लोक घराबाहेर आले होते. भूकंपाचे केंद्रबिंदु दिल्ली असल्याचे समोर आलेय. दिल्ली आणि एनसीआर परिसरात भूकंपाचे तीव्र हादरे बसले.

सोमवारी (17 फेब्रुवारी) सकाळ सकाळी राजधानी दिल्ली-एनसीआरमध्ये भूकंपाचे हादरे जाणवले. भूकंपाचे हे हादरले इतके वेगवान होते की नागरिक घाबरून घराबाहेर पडले. मिळालेल्या माहितीनुसार, भूकंपाचे केंद्र दिल्लीत होते. या भूकंपाची तीव्रता ४ रेश्टर स्केल इतकी होती. दिल्लीसह आजूबाजूच्या परिसरातही भूकंपाचे तीव्र हादरे बसले आहेत.

नॅशनल सेंटर फॉर सिस्मोलॉजीनुसार, आज पहाटे साडेपाच वाजता नवी दिल्लीमध्ये ४ रेश्टर स्केलचा भूकंप झाला. भूकंपाचे धक्के इतकी तीव्र होते की इमारती, घरे काही काळासाठी थरथर कापत होते. त्यामुळे घाबरून लोक घराबाहेर पडले. राष्ट्रीय भूकंप केंद्राच्या मते, दिल्लीमधील या भूकंपाची तीव्रता ४ रिश्टर स्केल इतकी होती. या भूकंपाचे केंद्र नवी दिल्लीतील जमिनीपासून पाच किलोमीटर अंतरावर होते. अनेक सेकंद भूकंपामुळे पृथ्वी हादरली. साखर झोपेत झोपलेल्या लोकांनीही घराबाहेर जाणं पसंत केले.

दिल्लीमध्ये झालेल्या भूकंपात आतापर्यंत कोणत्याही नुकसानीचे वृत्त नाही. सकाळी साडेपाच वाजता नवी दिल्ली, नोएडा, गाझियाबाद आणि गुरुग्राम यांच्यासह आजूबाजूच्या भागात भूकंपाचे धक्के जाणवले. भूकंप इतका तीव्र होता की इमारती अन् घरातील सामानाचीही मोठ्या प्रमाणात हालचाल झाली.