Summary:

• दुबईत विमान कोसळलं

• उड्डाण घेताच विमान कोसळलं अन् आग लागली

• लढाऊ विमान तेजल कोसळून मोठी दुर्घटना

• दुबईत एअर शोदरम्यानची घटना

दुबईमध्ये मोठा विमान अपघात झाला. उड्डाणावेळी लढाऊ विमान तेजस कोसळलं. दुबई एअर शोदरम्यान ही मोठी दुर्घटना घडली. विमान कोसळल्यानंतर भीषण आग लागली. या अपघाताचा लाईव्ह व्हिडीओ समोर आला असून तो सोशल मीडियावर व्हायरल होत आहे.

मिळालेल्या माहितीनुसार, दुबई एअर शोमध्ये सहभागी झालेले भारतीय लढाऊ विमान तेजस कोसळलं. शुक्रवारी दुपारी २ वाजून १० मिनिटांनी ही घटना घडली. दुबई वर्ल्ड सेंट्रल एअर पोर्टजवळ एअर शो सुरू होता. यावेळी उड्डाण घेताच लढाऊ विमान कोसळलं. विमान कोसळल्यानंतर भीषण आग लागली आणि धुराचे लोट परिसरात पसरले.

एअर शो पाहणाऱ्यांनी या विमान अपघाताची घटना आपल्या मोबाईलमध्ये कैद केली. याचा थरकाप उडवणारा व्हिडीओ व्हायरल होत आहे. उड्डाण घेतल्यानंतर विमान जमिनीवर जोरात आदळले आणि आगीचा गोळा बनले. या अपघातामध्ये विमानातील पायलटला बाहेर पडण्यात यश आले की नाही? यामध्ये जखमी किंवा कुणाचा मृत्यूबाबतच काहीच माहिती अद्याप समोर आली नाही.