पटना हायकोर्टाने एका घटस्फोटित महिलेच्या बाबतीत मोठा निर्णय दिला आहे. घटस्फोटित महिला दुसऱ्या पतीकडून पोटगी घेण्यास पात्र असल्याचे हायकोर्टाने म्हटलं आहे. कोर्टाने पत्नीला दिलेल्या दहमहा २० हजार रुपयांच्या पोटगीचा आदेश रद्द केला. त्यानंतर पोटगीची रक्कम ठरवण्याआधी संबंधित व्यक्तींच्या मालमत्तेची संपूर्ण माहिती घ्यावी, असा आदेश कोर्टाने कुटुंबाला दिला आहे. न्यायमूर्ती विवेक चौधरी यांच्या एकलपीठाने रवि प्रकाश सक्सेना उर्फ रवि प्रकाश यांनी दाखल केलेल्या अर्जावर सुनावणीवर हा आदेश दिला.

अर्जदाराच्या वकिलांनी कोर्टाला सांगितलं की, 'अर्जदाराची पत्नीशी ओळख ह एका विवाह जुळवणाऱ्या संकेतस्थळावर झाली होती. त्यानंतर त्यांचा विवाह झाला. 'पत्नीला पहिल्या घटस्फोटाच्या वेळी ४० लाख रुपये मिळाले होते. तिच्याकडे स्वतंत्रपणे भरणपोषणासाठी संपत्ती आहे, असे अर्जदाराच्या वकिलांचं म्हणणं आहे. 'पत्नीने केवळ पोटगीत चांगली रक्कम मिळवण्यासाठीच विवाह केलाय. ती अनेकांना फसवण्याच्या उद्देशाने लग्न करते, असा आरोप अर्जदाराने केलं आहे.

अर्जदाराचं पत्नीसोबत संबंध तणावपूर्ण असताना तिने दुसऱ्या व्यक्तीला पती म्हणून शोधायला सुरुवात केली. दुसऱ्या व्यक्तीसोबत लग्न करण्याचा तिचा मानस होता. पत्नीला दरमहा २० हजार रुपये पोटगी देण्याचा आदेश कौटंबिक न्यायायलयाने केला होता. तर महिलेला तिच्या पहिल्या पतीकडून पोटगी म्हणून ४० लाख रुपये मिळाले होते. तसेच ती स्वत:च्या उपजीवकेसाठी शैक्षणिकदृष्ट्या अत्यंत पात्र आहे. तसेच पत्नी चांगलं जीवन जगण्यासाठी आवश्यक कमाई करण्यासही सक्षम आहे,असाही अर्जदाराचा दावा आहे.

अर्जदाराचं म्हणणं आहे की, 'त्याच्यावर वृद्ध आणि आजारी आई-वडिलांची जबाबदारी आहे. ज्यांचं वय अनुक्रमे ८० आणि ७५ वर्षे इतके आहे. लग्नाच्या वेळी पत्नीने स्वत:ला अविवाहित असल्याचं जाहीर केलं होतं. तसेच तिने शपथपत्रही सादर केलं होतं. दोघांचा विवाह १६ फेब्रुवारी २०२० रोजी गाझियाबाद येथे झाला होता. त्यांचं लग्न हे आर्य समाज मंदिरात हिंदू वैदिक पद्धती आणि धार्मिक विधीनुसार झालं'

अर्जदाराचे असेही म्हणणे आहे की, त्याच्यावर त्याच्या वृद्ध आणि आजारी आई-वडिलांची जबाबदारी आहे, ज्यांचे वय अनुक्रमे ८० आणि ७५ वर्षे आहे. विवाहाच्या वेळी पत्नीने स्वतःला अविवाहित असल्याचे जाहीर करत एक शपथपत्र सादर केले होते. त्यांचा विवाह १६ फेब्रुवारी २०२० रोजी, गाझियाबाद येथील आर्य समाज मंदिरात हिंदू वैदिक पद्धतीने आणि धार्मिक विधींनुसार पार पडला होता. 'योग्य कारण नसताना पतीसोबत नांदण्यास नकार देणाऱ्या पत्नीला भरणपोषण मिळण्याचा अधिकार नाही, असंही अर्जदाराचं म्हणणं आहे.