Baghpat Eastern Peripheral Expressway accident news : उत्तर प्रदेशातील बागपतमध्ये रविवारी मध्यरात्री भाविकांच्या वाहनाचा भीषण अपघात झाला. राजस्थानहून बदायूंला परतणाऱ्या भाविकांची एक खासगी बस 'ईस्टर्न पेरिफेरल एक्सप्रेसवे'वर अचानक रस्त्याच्या डिवाइडरला धडकली आणि पलटी झाली. या अपघातात ४ जणांचा दुर्दैवी मृत्यू झाला असून अनेक प्रवासी गंभीर जखमी झाले आहेत. बसमध्ये सुमारे ३२ प्रवासी सवार होते. घटनेची माहिती मिळताच पोलिसांनी तात्काळ घटनास्थळी धाव घेऊन जखमींना रुग्णालयात दाखल केले आहे.

रविवारी रात्री १:४५ वाजता बागड धामहून परतणाऱ्या भाविकांनी भरलेली एक पिकअप कॅन्टरला जोरात धडकली आणि डिव्हायडरला लागून उलटली. या अपघातात चार जणांचा मृत्यू झाला तप २० भाविक जखमी झाले आहेत. हे सर्व बदाऊनचे रहिवासी आहेत. अपघातानंतर महामार्गावर गोंधळाचे वातावरण निर्माण झाले होते. जखमींना सामुदायिक आरोग्य केंद्र (CHC) आणि जिल्हा रुग्णालयात दाखल करण्यात आले आहे. त्यांच्यावर उपचार सुरू आहेत.

बदाऊनमधील अलहापूर गावातील लोक राजस्थानमधील बागड येथे तीर्थयात्रेला गेले होते. रात्री परत येत असताना ईपीईवरील बारागावजवळ एका कॅन्टरने पिकअपला धडक दिली, ज्यामुळे पिकअप डिव्हायडरला धडकून उलटली. बहुतेक लोक त्याखाली अडकले होते आणि आरडाओरडा सुरू होता. पोलीस घटनास्थळी पोहोचले आणि येणाऱ्या-जाणाऱ्यांच्या मदतीने त्यांनी लोकांना बाहेर काढले. पण तोपर्यंत एका मुलीसह चार जणांचा मृत्यू झाला होता. जखमींना सीएचसी खेकरा आणि जिल्हा रुग्णालयात नेण्यात आले.

या अपघातात २० जण जखमी आहेत. यामधील काही जणांची प्रकृती गंभीर असल्याचे सांगितले जात आहे. यातील काही गंभीर जखमींना दिल्ली आणि मेरठ येथील रूग्णालयात उपचारासाठी पाठवण्यात आले. अपघाताची माहिती मिळताच, जिल्हाधिकारी अस्मिता लाल आणि पोलीस अधीक्षक सूरज कुमार राय यांनी जखमींच्या प्रकृतीची विचारपूस करण्यासाठी जिल्हा रुग्णालयात हजेरी लावली. जिल्हाधिकाऱ्यांनी डॉक्टरांना सर्वोत्तम उपचार सुनिश्चित करण्याचे निर्देश दिले.