Enforcement Directorate Arrested Delhi Cm Arvind kejriwal In Liquor Scam :

लोकसभा निवडणुकीपूर्वी आम आदमी पक्षाला मोठा धक्का बसलाय. ईडीच्या टीमने दिल्लीचे मुख्यमंत्री अरविंद केजरीवाल यांना अटक केलीय. अंमलबजावणी संचालनालयाच्या (ईडी) पथकाने आधी त्याच्या घराची झडती घेतली आणि नंतर त्याची चौकशी केली, यानंतर तपास यंत्रणेने त्यांना अटक केली. दिल्ली दारू घोटाळ्याशी संबंधित मनी लाँड्रिंग प्रकरणात ईडीने ही अटकेची कारवाई केलीय. (Latest News)

दरम्यान आज ईडीचे अधिकारी शोध वॉरंट घेऊन तपास यंत्रणेचे पथक केजरीवाल यांच्या घरी पोहोचले. त्यानंतर अधिकाऱ्यांनी त्याच्या घराची झडती घेतली पीएमएलएच्या कलम ५० अंतर्गत मुख्यमंत्र्यांचा जबाब नोंदवण्यात आला त्यानंतर त्यांना अटक करण्यात आलीय.

ईडीच्या पथकाने केजरीवाल यांना काही प्रश्न केली. केजरीवाल यांच्या कुटुंबीयांचे मोबाईल देखील यावेली जप्त करण्यात आले होते. प्रदीर्घ चौकशीनंतर ईडीच्या पथकाने अरविंद केजरीवाल यांना अटक केली. दिल्ली सरकारमधील मंत्री सौरभ भारद्वाज यांनी एक्स या सोशल मीडिया प्लॅटफॉर्मवर पोस्ट करत अटकेच्या कारवाईची माहिती दिलीय. यावेळी अरविंद केजरीवाल यांच्या निवासस्थानाबाहेर आम आदमी पक्षाच्या कार्यकर्त्यांनी घेराव घातला होता. कार्यकर्त्यांनी आणि नागरिकांनी केंद्र सरकार आणि तपास यंत्रणेविरोधात घोषणाबाजी केलीय. दरम्यान दिल्ली पोलिसांनी केजरीवाल यांच्या निवासस्थानाबाहेर कलम १४४ लागू केले आहे.

काय आहे कथित दिल्ली दारू घोटाळा

• नवीन मद्य धोरणामुळे मद्याची सरकारी दुकानं बंद झाली होती आणि खासगी परवाने सरकारने जारी केले होते.

• दारू पिण्याचं वयही दिल्ली सरकारने २५ वरून २१ वर केले होते.

• सरकारचा महसूल वाढवणं, मद्य माफियांचा प्रभाव कमी करणं, ग्राहकांची सोय आणि मद्याचा काळा बाजार रोखणं हे धोरणाचं मुख्य उद्दिष्ट होतं

• हे धोरण नोव्हेंबर २०२१ पासून अंमलात आले होते.

• या धोरणामुळे मद्याचा दर ठरविण्याची मुभा मालकांना दिली होती, त्यामुळे एमआरपीवर सूट मिळण्याची शक्यता निर्माण झाली होती.

• सर्व दुकानं पहाटे तीन वाजेपर्यंत उघडी ठेवण्याची मुभा दिली होती, होम डिलिव्हरीचा पर्यायही त्यांनी ठेवला होता.

• त्यामुळे परिणामी दिल्लीत काही काळ मद्यावर मोठी सूट दिली जात होती.