नवी दिल्ली: देशाची राजधानी दिल्लीत बॉम्ब स्फोट घडवण्याची परत एक धमकी आलीय. दिल्लीतील केंद्रीय गृहमंत्रालय बॉम्बने उडवण्याची धमकी ईमेलने देण्यात आलीय. एमएचएच्या एका वरिष्ठ अधिकाऱ्याला मेलद्वारे बॉम्बची धमकी मिळाली होती. धमकी आल्यानंतर हा ईमेल कोणी पाठवला आणि कुठून आला याचाही तपास सुरू झाला आहे. धमकीचा ईमेल मिळाल्यानंतर सुरक्षा यंत्रणां सतर्क झाली असून गृह मंत्रालयाच्या इमारतीत शोधमोहीम राबवली, मात्र कोणतीच संशयास्पद वस्तू आढळून आली नाही.

दरम्यान आधीही दिल्लीत दहशतवादी हल्ला घडवण्याच्या धमक्या देण्यात आल्या होत्या. याआधी शाळा, विमानतळ आणि रुग्णालयांना बॉम्ब स्फोटाने उडवण्यात येईल, अशा धमक्या देण्यात आल्या होत्या.