Uttar Pradesh Crime  Saam Tv
देश विदेश

Crime: धनत्रयोदशीला भयंकर हत्याकांड! आश्रमात झोपलेल्या पुजाऱ्याची निर्घृण हत्या, बायकोच्या डोळ्यासमोर संपवलं

Uttar Pradesh Crime: उत्तर प्रदेशमध्ये आश्रमामध्ये रक्तरंजित थरार घडला. पुजाऱ्याची निर्घृण हत्या करण्यात आली. मध्यरात्री झोपेत असताना त्यांच्यावर धारधार शस्त्राने वार करण्यात आले. यामध्ये त्यांचा जागीच मृत्यू झाला.

Priya More

उत्तर प्रदेशच्या रायबरेलीमध्ये हत्याकांडाची भयंकर घटना समोर आली. धनत्रयोदशीच्या दिवशी मध्यरात्री एका अघोरी पुजाऱ्याची निर्घृण हत्या करण्यात आली. काही तरुणांनी आश्रमामध्ये घुसून धारधार शस्त्रांनी वार करत त्यांची हत्या केली. पुजारी झोपला होता त्याचवेळी त्यांच्यावर जीवघेणा हल्ला करण्यात आला. बायकोच्या डोळ्यासमोर आरोपींनी पुजाऱ्याला संपवलं. पुजाऱ्याच्या बायकोने आरोपींना थांबवण्याचा प्रयत्न केला पण आरोपी पुजाऱ्यावर वार करतच राहिले. या घटनेमुळे उत्तर प्रदेशमध्ये खळबळ उडाली आहे.

मिळालेल्या माहितीनुसार, मुर्तजानगर गावामध्ये असणाऱ्या एका आश्रमात पुजाऱ्याची मध्यरात्री उशिरा हत्या करण्यात आली. आश्रमात राहणारे पुजारी मोहन नाथ यांची हत्या करण्यात आली. आश्रमात घुसून धारधार शस्त्रांनी वार करत पुजाऱ्याला जागीच संपवलं. मोहन नाथ हे मूळचे शाहजहांपूर येथील रहिवासी होते. पण गेल्या २० वर्षांपासून ते मुर्तजानगर येथील गावामध्ये आश्रमात राहत होते. त्यांची बायको द्रौपदी पश्चिम बंगालची आहे. ती देखील पुजाऱ्यासोबत आश्रमात राहत होती.

मध्यरात्रीच्या सुमारास काही अज्ञात हल्लेखोरांनी आश्रमात प्रवेश केला आणि पुजाऱ्यासोबत वाद घातला. त्यानंतर त्यांच्यावर हल्ला करण्यास सुरुवात केली. त्यांची पत्नी द्रौपदी यांनी हस्तक्षेप करण्याचा प्रयत्न केला तेव्हा हल्लेखोरांनी घटनास्थळावरून पळ काढला. त्यानंतर पुजारी आणि त्याची पत्नी झोपी गेले. पहाटे ३ वाजताच्या सुमारास तेच हल्लेखोर आश्रमात परत आले. त्यांनी पुजारी मोहन नाथ अघोरी झोपेत असताना त्यांच्यावर धारदार शस्त्राने हल्ला केला. या हल्ल्यात त्यांचा जागीच मृत्यू झाला.

हल्ल्यादरम्यान पुजाऱ्याच्या पत्नीने आरडाओरडा केला. त्यानंतर हल्लेखोर पळून गेले. घटनेची माहिती मिळताच पोलिस घटनास्थळी पोहोचले. फॉरेन्सिक टीमने घटनास्थळावरून पुरावे गोळा केले आणि मृतदेह शवविच्छेदनासाठी रुग्णालयात पाठवला. अतिरिक्त पोलिस अधीक्षक संजीव सिन्हा यांनीही घटनेची घटनास्थळी पाहणी केली आणि स्थानिक पोलिसांना लवकरात लवकर प्रकरण सोडवण्याचे निर्देश दिले. पोलिसांनी प्राथमिक तपासात दोन संशयितांना ताब्यात घेतले आहे आणि त्यांची चौकशी सुरू आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Diwali Accident : ऐन दिवाळीत आक्रित घडलं, धाराशिवमध्ये दोन अलिशान कारचा भीषण अपघात, ४ जणांचा मृत्यू

Buldhana : सणासुदीच्या काळात गावात दूषित पाण्याने बाधा; पिंप्री अनेकांना गावात डायरियाची लागण

Yawning Causes: वारंवार जांभई येणं म्हणजे थकवा नव्हे; जाणून घ्या यामागची खरी कारणं

Bigg Boss 19 : गौरव खन्ना विरुद्ध संपूर्ण घर; ४ सदस्यांवर नॉमिनेशनची टांगती तलवार,पाहा VIDEO

Maharashtra Live News Update : नवी मुंबईत भीषण आग, ६ जणांचा मृत्यू

SCROLL FOR NEXT