Accident : कर्नाटकमधील कलबुर्गी जिल्ह्यातील एक धक्कादायक घटना समोर आली आहे. कंटेनर चालकाला हार्ट अटॅक आल्यामुळे भीषण अपघात झाला आहे. चालकाला हार्ट अटॅक आल्यामुळे कंटेनर अनियंत्रित होऊन रस्त्यावर धावत होता. अनियंत्रित झालेल्या कंटेनरच्या धडकेत भाजी विक्रेत्याचा मृत्यू झाला, अनेजकण जखमी झाले आहेत. अनेक वाहनाचे प्रचंड नुकसान झाले आहे.

मिळालेल्या माहितीनुसार, कंटेनर चालकाला छातीत दुखण्याचा त्रास होऊ लागला, हार्ट अटॅक आल्यामुळे कंटेनरवरील त्याचे नियंत्रण सुटले. त्यामुळे कंटेनर भरधाव वेगाने रस्त्यावर धावत होता. कंटेनरने अनेक वाहनांना आणि रस्त्यावरील माणसांना धडक दिली. कंटेनरच्या धडकेत ३२ वर्षीय भाजी विक्रेता मोहम्मद अली याचा मृत्यू झाला. या अपघातात अनेकजण जखमी झाले आहेत, त्यांच्यावर रूग्णालयात उपचार सुरू आहेत. या अपघाताचा व्हिडीओ समोर आला आहे.

मिळालेल्या माहितीनुसार, कंटेनर शाहपूर वरून कुलबर्गीकडे जात होता. जेवरगी बस स्टँडच्या जवळ चालकाला अचानक हॉर्ट अटॅक आला, त्यामुळे वाहनावरील कंट्रोल सुटले. फळविक्रेत्याला चिरडल्यानंतर ऑटो अन् दुचाकी वाहनांनाही जोरदार धडक दिली. त्यानंतर विजेच्या खांबाला धडकल्यानंतर कंटेनर थांबला. कंटेनर चालकाला उपचारासाठी रूग्णालयात दाखल करण्यात आलेय. पोलिसांनी याप्रकरणाचा गुन्हा दाखल करण्यात आलाय.