दिल्ली: केंद्रीय अन्वेषण विभागाने म्हणजेच सीबीआयने (CBI) देशाचे माजी अर्थमंत्रा तथा ज्येष्ठ काँग्रेस नेते पी. चिदंबरम आणि त्यांचा मुलगा कार्ती चिदंबरम (Karti Chidambaram) यांच्या घरावर छापा टाकला आहे. सीबीआयने पी. चिदंबरम (P. Chidambaram) यांच्या दिल्ली (Delhi) आणि चेन्नईमधील ७ ठिकाणांवर छापे (Raid) टाकत आहे. पी. चिदंबरम हे काँग्रेस (Congress) सरकारमध्ये अर्थमंत्री आणि गृहमंत्री राहिले आहेत. सूत्रांनी दिलेल्या माहितीनुसार, त्यांचा मुलगा आणि लोकसभा खासदार कार्ती चिदंबरम यांच्याशी संबधितही छापेमारी सुरू असल्याचे सांगितले जात आहे. (CBI raids 9 places related to p Chidambaram and Karti chidambaram)

हे देखील पाहा -

सीबीआयने एकूण ९ ठिकाणी छापे टाकले आहेत. तामिळनाडू आणि मुंबईत तीन ठिकाणी छापे टाकण्यात आले आहेत. त्याचबरोबर पंजाब, कर्नाटक आणि ओडिशामध्ये एक-एक ठिकाणी छापे टाकण्यात आले आहेत. एका प्रकल्पासाठी चिनी कामगारांना व्हिसा मिळवून देण्यासाठी कार्ती चिदंबरम यांनी ५० लाख रुपयांची लाच घेतल्याचा आरोप आहे.

याबाबत कार्ती चिदंबरम यांनी ट्वीट करत आपली नाराजी व्यक्त केली आहे. "असे किती वेळा घडले ते मोजायला मी विसरलो असे. हा एक विक्रम असेल." असं ट्वीट करत त्यांनी आपली नाराजी व्यक्त केली आहे. मिळालेल्या माहितीनुसार, कार्ती चिदंबरम हे सध्या भारतात नाही, ते लंडनला गेले आहेत. सीबीआयने अलीकडेच कार्ती चिदंबरम यांच्या विरोधात नवीन गुन्हा दाखल केला आहे. हे प्रकरण परदेशात पैसे पाठवण्याशी संबंधित आहे. २०१० ते २०१४ दरम्यान हा प्रकार घडल्याचा आरोप आहे. प्राथमिक तपासानंतर सीबीआयने या प्रकरणी एफआयआर नोंदवला होता.

Edited By - Akshay Baisane