उत्तर प्रदेशमध्ये पुढील विधानसभा निवडणुका होणार आहेत. निवडणुकीच्या पार्श्वभूमीवर राजकीय हालचालींना वेग आला आहे. भाजपने उत्तर प्रदेशच्या विधानसभा निवडणुकीसाठी जोरदार तयारी सुरू केली आहे.

उत्तर प्रदेशमध्ये २०२७ साली विधानसभा निवडणूक होणार आहे. भाजप विविध मुद्द्यांवरून पक्ष संघटन मजबूत करत आहेत. सूत्रांच्या माहितीनुसार, भाजप पुढील १५ दिवसांत पक्षात मोठे बदल करणार आहे. मतदार यादी दुरुस्ती मोहीम पूर्ण झाल्यानंतर भाजप पक्षात मोठे बदल करणार आहे.

उत्तर प्रदेशमध्ये भाजपने विविध समाजाच्या संघटना, युवा मोर्चा, महिला मोर्चा आणि इतर संघटनेत बदल करण्यात येणार आहे. सूत्रांच्या माहितीनुसार, भाजप २८ फेब्रुवारी रोजी ही प्रक्रिया पूर्ण करणार आहे. संघटनेत बदल केल्यानंतर भाजप निवडणुकीसाठी दंड थोपटणार आहे.

उत्तर प्रदेशमध्ये यूसीजीच्या नव्या नियमावरून ब्राह्मण आमदारांच्या नाराजीनंतर पक्षात मोठे बदल करण्याची शक्यता आहे. भाजप पक्षातील विविध समाजाच्या संघटनेत बदल सत्ता समीकरण साधण्याची शक्यता आहे. भाजप उत्तर प्रदेशमध्ये जाट, यादव, ब्राह्मण समाजाच्या संघटनावर विशेष लक्ष देण्याची शक्यता आहे.

उत्तर प्रदेशमध्ये आता पंचायत समिती, विधानपरिषदेच्या एकूण ११ शिक्षक आणि पदवीधर मतदारसंघाच्या निवडणुका होणार आहेत. त्यानंतर विधानसभेच्या निवडणुका होतील. या निवडणुकीसाठी भाजपही मोठी तयारी करण्याची शक्यता आहे.