माजी केंद्रीय मंत्री आणि भारतीय जनता पक्षाचे प्रवक्ते सय्यद शाहनवाज हुसेन यांना हृदयविकाराचा झटका आलाय. त्यांना मुंबईच्या लीलावती रुग्णालयात दाखल करण्यात आले, तेथे त्यांच्यावर अँजिओप्लास्टी करण्यात आली. (Latest Politics News)

दरम्यान त्यांच्या प्रकृतीबाबत कोणतेही अधिकृत वक्तव्य आलेले नसले तरी हुसेन यांची प्रकृती स्थिर असल्याचे सांगण्यात येत आहे. सय्यद शाहनवाझ हुसेन यांचे वय ५४ आहे. हुसेन यांनी अटल बिहारी वाजपेयी यांच्या सरकारमध्ये आणि भाजप आणि JD(U) युतीच्या काळात बिहार सरकारमध्ये विविध महत्त्वपूर्ण भूमिका बजावल्या आहेत. हुसेन हे मूळचे बिहारचे असून ते यापूर्वी किशनगंज आणि भागलपूर लोकसभा मतदारसंघात खासदार राहिलेत. सध्या ते बिहार विधान परिषदेचे सदस्य म्हणून कार्यरत आहेत.