Summary -

• बिहारमध्ये एनडीएचे सरकार पुन्हा आले

• नितीश कुमार यांनी दहाव्यांदा बिहारच्या मुख्यमंत्रिपदाची शपथ घेतली

• नितीश कुमारांसोबत २६ मंत्र्यांनी देखील शपथ घेतली

• उपमुख्यमंत्रिपदी सम्राट चौधरी आणि विजय कुमार सिन्हा यांनी शपथ घेतली

बिहारच्या पाटणामधील गांधी मैदान आज पुन्हा एकदा ऐतिहासिक क्षणांचे साक्षीदार झाले. याच मैदानावरून नितीश कुमार यांनी १० व्यांदा बिहारच्या मुख्यमंत्रिपदाची शपथ घेतली. तर सम्राट चौधरी आणि विजय सिन्हा यांनी उपमुख्यमंत्रिपदाची शपथ घेतली. यावेळी नितीश कुमार यांच्यासोबत २६ मंत्र्यांनी शपथ घेतली. राज्यपालांनी नितीश कुमार यांच्यासह सर्व मंत्र्यांना पद आणि गोपनीयतेची शपथ दिली.

या शपथविधी सोहळ्याला देशाचे पंतप्रधान नरेंद्र मोदी, केंद्रीय गृहमंत्री अमित शहा, अनेक केंद्रीय मंत्री उपस्थित होते. त्याचसोबत महाराष्ट्राचे मुख्यमंत्री देवेंद्र फडणवीस यांच्यासोबत इतर १६ राज्याच्या मुख्यमंत्र्यांनी देखील या शपथविधी सोहळ्याला हजेरी लावली. महाराष्ट्र, आसाम, हरियाणा, नागालँड मेघालय, उत्तर प्रदेशचे उपमुख्यमंत्री देखील या शपथविधी सोहळ्याला उपस्थित होते. या शपथविधी सोहळ्याला मोठ्या संख्येने बिहारचे नागरिकही आले होते. 'जय बिहार' आणि 'नितीश कुमार जिंदाबाद'च्या जोरदार घोषणाबाजी करण्यात आल्या.

कुणी कुणी मंत्रिपदाची शपथ घेतली -

सम्राट चौधरी

विजय कुमार सिन्हा

विजय चौधरी

विजेंद्र यादव

श्रवण कुमार

मंगल पांडे

दिलीप जयस्वाल

अशोक चौधरी

लेशी सिंग

मदन साहनी

नितीन नवीन

रामकृपाल यादव

संतोष सुमन

सुनील कुमार

मोहम्मद जमान खान

संजय सिंग टायगर

अरुण शंकर प्रसाद

सुरेंद्र मेहता

नारायण प्रसाद

रामा निषाद

लखेंद्र कुमार रोशन

श्रेयसी सिंग

डॉ. प्रमोद कुमार

संजय कुमार

संजय कुमार सिंग

दीपक प्रकाश