बिहार विधानसभा निवडणुकीचं बिगूल वाजलं असून सर्व पक्षांकडून तयारी सुरू आहे. निवडणुकीच्या पार्श्वभूमीवर युती, जागा वाटप यांचीही चाचपणी सुरू झालीय. यादरम्यान भाजपने बिहार निवडणुकीसाठी स्टार प्रचारकांची यादी जाहीर केली आहे. पंतप्रधान नरेंद्र मोदी यांच्यासह ४० नेत्यांचा यादीत समावेश करण्यात आलायं.

भाजपनं आपल्या स्टार प्रचारकांची यादी जाहीर केलीय. यात महाराष्ट्रातील तीन नेत्यांवर मोठी जबाबदारी देण्यात आली आहे. देवेंद्र फडणवीस यांच्या महाराष्ट्राचे मुख्यमंत्री देवेंद्र फडणवीस यांचा स्टार प्रचारक म्हणून समावेश करण्यात आलाय. तसंच बिहार विधानसभा प्रभारी विनोद तावडेदेखील स्टार प्रचारकांच्या यादीत आहेत. केंद्रीय मंत्री नितीन गडकरीदेखील बिहारमध्ये प्रचार करणार आहेत.

पंतप्रधान नरेंद्र मोदी, जे. पी. नड्डा, राजनाथ सिंह, अमित शाह, नितीन गडकरी, शिवराज सिंह चौहान, धर्मेंद्र प्रधान, गिरीराज सिंह, योगी आदित्यनाथ, रेखा गुप्ता, मोहन यादव, हिमंत बिस्वा शर्मा, स्मृती इराणी, केशव प्रसाद मौर्य आणि सी.आर.पाटील यांना स्टार प्रचारक करण्यात आलंय. तसेच सम्राट चौधरी, विजय कुमार सिन्हा, रेणु देवी, नित्यानंद राय, मनोज तिवारी, रवी किशन, रवीशंकर प्रसाद आणि दिनेश लाल ‘निरहुआ’ यांनाही स्टार प्रचारकांच्या यादीत स्थान देण्यात आले आहे.

बिहार निवडणुकीसाठी भाजपची दुसरी यादी जाहीर

भाजपचे राष्ट्रीय महासचिव आणि मुख्यालय प्रभारी यांनी १२ उमेदवारांची यादी जाहीर केली. गायिका मैथिली ठाकूर यांना अलीनगर आणि माजी पोलीस अधिकारी आनंद मिश्रा यांना बक्सर येथून उमेदवारी देण्यात आलीय. तर छोटी कुमारी यांना छपरा येथून उमेदवारी देण्यात आली आहे. राम चंद्र प्रसाद यांना हायाघाट, रंजन कुमार यांना मुजप्फरपूर, सुभाष सिंह यांना गोपालगंज, केदारनाथ सिंह यांना बनियापूरमधून तिकीट मिळालंय. विनय कुमार सिंह यांना सोनपूर, वीरेंद्र कुमार यांना रोसडा डा. सियाराम सिंह यांना बाढ, महेश पासवान यांना अगिआंव, राकेश ओझा यांना शाहपूर, माजी आयपीएस आनंद मिश्रा यांना बक्सर येथून उमेदवारी देण्यात आली आहे.