Summary -

• बिहार विधानसभा निवडणुकीचा निकाल १४ नोव्हेंबरला लागणार

• टुडे्ज चाणक्यच्या एक्झिट पोलनुसार एनडीएला १६० जागा मिळणार

• महाआघाडीला ७७ तर इतरांना ६ जागा मिळण्याचा अंदाज

• बिहारमध्ये पुन्हा नितीश कुमार मुख्यमंत्री होण्याची शक्यता

बिहार विधानसभा निवडणुकीसाठी मतदान प्रक्रिया पूर्ण झाली असून निकाल जाहीर होण्यास अवघे दोन दिवस शिल्लक राहिले आहेत. बिहार विधानसभा निवडणुकीच्या निकालाकडे सर्वांचे लक्ष लागले आहे. हा निकाल लागण्यापूर्वी सर्वे एजन्सी टुडे्ज चाणक्य यांचा एक्झिट पोल समोर आला आहे. या एक्झिट पोलनुसार नितीश कुमार यांच्या नेतृत्वाखालील एनडीएला २४३ पैकी १६० जागा मिळण्याचा अंदाज व्यक्त करण्यात आला आहे. तर, तेजस्वी यादव यांच्या नेतृत्वाखालील महाआघाडीला फक्त ७७ जागा मिळण्याची शक्यता वर्तवण्यात आली आहे. जन सूराज पार्टी, एआयएमआयएम आणि इतर पक्षांना ६ जागा मिळण्याची शक्यता वर्तवली आहे.

टुडे्ज चाणक्यच्या एक्झिट पोलमध्ये एनडीएला जास्तीत जास्त ४४ टक्के मते मिळण्याचा अंदाज आहे. तर महाआघाडीला फक्त ३८ टक्के मते मिळू शकतील असा अंदाज वर्तवण्यात आला आहे. १८ टक्के मते इतर पक्षांच्या खात्यात जाण्याची शक्यता आहे. या एक्झिट पोलनुसार, यादव, दलित, ओबीसी, ईबीसी आणि इतर जातींमधून प्रत्येक आघाडीला किती मते मिळू शकतात याचा अंदाज देखील वर्तवण्यात आला आहे.

टुडे्ज चाणक्य एक्झिट पोलमध्ये कुणाला किती जागा मिळणार?

एनडीए - १६० जागा

महाआघाडी -७७ जागा

इतर - ६ जागा

टुडे्ज चाणक्य एक्झिट पोलमध्ये कुणाला किती टक्के मतं मिळणार?

एनडीए - ४४ टक्के

महाआघाडी - ३८ टक्के

इतर - १८ टक्के

एनडीए आणि महाआघाडीला कोणत्या जाती किंवा वर्गातून किती मते मिळण्याची शक्यता?

यादव यांच्या मतांची टक्केवारी -

एनडीए - २३ टक्के

महाआघाडी - ६७ टक्के

ओबीसी आणि ईबीसींचा मतांची टक्केवारी-

एनडीए - ५५ टक्के

महाआघाडी - २४ टक्के

अनुसूचित जातीच्या मतांची टक्केवारी -

एनडीए - ५८ टक्के

महाआघाडी - २६ टक्के

मुस्लिम मतांची टक्केवारी -

एनडीए - १२ टक्के

महाआघाडी - ६९ टक्के

दरम्यान, २०२० च्या बिहार विधानसभा निवडणुकीत टुडेज चाणक्यने दिलेल्या एक्झिट पोलनुसार तेजस्वी यादव यांच्या नेतृत्वाखालील महाआघाडीला २४३ पैकी १८० जागा जिंकून विजय मिळेल अशी शक्यता वर्तवण्यात आली होती. नितीश कुमार यांच्या नेतृत्वाखालील एनडीएला ५५ आणि इतरांना ८ जागा मिळतील असा दावा करण्यात आला होता.

पण, २०२० च्या निवडणुकीमध्ये प्रत्यक्ष निकाल उलटा लागला होता. एनडीएने १२५ जागांवर विजय मिळवला होता. तर महाआघाडीने ११० जागांवर विजय मिळवला होता. आता या निवडणुकीमध्ये टुडेज चाणक्यंचा एक्झिट पोल किती खरा ठरतोय ते १४ नोव्हेंबरला निकाल जाहीर झाल्यानंतरच कळेल.