एनडीए की महाआघाडी, बिहारमध्ये यंदा कुणाची सत्ता? एक्झिट पोलमधून धक्कादायक अंदाज समोर, VIDEO

बिहारमध्ये विधानसभा निवडणुकीच्या दुसऱ्या आणि शेवटच्या टप्प्याचं मतदान आज मंगळवारी पार पडलं. त्यानंतर आता बिहार विधानसभा निवडणुकीचा निकाल १४ नोव्हेंबर रोजी जाहीर होणार आहे. या निकालाआधीच निवडणुकीच्या एक्झिट पोलचे अंदाज समोर आले आहेत. या अंदाजातून बिहारमध्ये पुन्हा एकदा एनडीए सरकार येणार असल्याची शक्यता व्यक्त करण्यात आली आहे. एक्झिट पोलचे अंदाज हे महाआघाडीला धक्कादायक ठरले आहेत.

बिहार विधानसभा निवडणुकीत यंदा थेट तेजस्वी यादव आणि नीतीश कुमार यांच्यात थेट सामना होत आहे. तर दुसरीकडे जनसुराज यांचाही पक्ष मैदानात आहे. मतदानानंतर समोर आलेल्या एक्जिट पोलमधून एनडीएला मोठा दिलासा मिळाला आहे. आयएएनएस आणि मॅटराजइज एक्झिट पोलमधून एनडीएला १४७-१६७ जागा मिळण्याचा अंदाज आहे. महाआघाडीला ७०-८९ जागा मिळण्याचा अंदाज समोर येत आहे.

पिपल्स पल्सच्या एक्झिट पोलनुसार, एनडीए १३३-१५९ , महाआघाडी ७५-१०१, प्रशांत किशोर यांच्या जनसुराज पक्षाला ०-५, इतर २-८ जागा मिळण्याची शक्यता आहे. IANS-MATRIZE एक्झिट पोलनुसार, बिहारमध्ये एनडीए सरकार स्थापन करण्याची शक्यता व्यक्त करण्यात आली आहे. एनडीएला १४७-१६७ जागा मिळण्याची शक्यता आहे. भाजप ६५-७३, जेडीयू ६७-७५, एलजेपीआर ७-९, हम ४-५, आरएलएम १-२ जागा मिळण्याची शक्यता आहे. महाआघाडीला ७०-८९ जागा मिळण्याची शक्यता व्यक्त करण्यात आली आहे. आरजेडी ५३-५८, काँग्रेस १०-१२, वीआयपी १-४, डावे गट ९-१४ जागा मिळण्याची शक्यता व्यक्त करण्यात आली आहे.

बिहार विधानसभा निवडणुकीचा निकाल येत्या १४ नोव्हेंबर रोजी जाहीर होणार आहे. निवडणुकीच्या शेवटच्या टप्प्यात एकूण पाच वाजेपर्यंत ६७ टक्क्यांहून अधिक मतदान झालं. पहिल्या टप्प्याच्या निवडणुकीत ६५ टक्के इतकं विक्रमी मतदान झालं. त्यात महिलांनी पुरुषांपेक्षा अधिक मतदान केलं. बिहारमध्ये पहिल्या टप्प्यात १२१ विधानसभा जागांवर मतदान झालं. दुसऱ्या टप्प्यात १२२ जागांवर मतदान झालं.