बांगलादेशमध्ये सत्तांतरानंतर कट्टरतावाद्यांचं प्रस्थ प्रमाणावर वाढलंय. पाकिस्तान समर्थक कट्टरतावादी संघटना असलेल्या जमात ए इस्लामीकडून सातत्याने भारताविरोधात गरळ ओकली जातेय. जमात ए इस्लामीचा डेप्युटी असलेल्या अमीर सय्यद अब्दुल्ला मोहम्मद ताहिरने भारताविरोधात गरळ ओकलीय. भारतात राबवण्यासाठी गझवा-ए-हिंदसाठी ५० लाख हल्लेखोर तयार आहेत, असा धक्कादायक दावा त्यांनी केलाय.

अमेरिकेतील न्यूयॉर्क येथे बांगलादेश-अमेरिकन असोशिएशनच्यावतीने आयोजित कार्यक्रमात अमीर सय्यद अब्दुल्ला मोहम्मद ताहिरने भारताला धमकी दिली. अमीर सय्यद अब्दुल्ला मोहम्मद ताहिर जमात ए इस्लामीचा डेप्युटी आहे. गझवा-ए-हिंदसाठीच्या लढ्यात ५० लाख हल्लेखोर सहभागी होतील. ते छुप्या युद्धाच्या रणनीतीने लढतील, असा दावाही ताहीर याने केलाय.

१९७१ च्या युद्धात जमात ए इस्लामीवर पाकिस्तानला मदत केल्याने लागलेला कलंक धुवून काढायचा आहे. , जमान ए इस्लामी सत्तेत आली तर भारतावर हल्ला होईल. मी दुवा करतो की, त्यांनी हल्ला करावा, ज्यामुळे आमच्यावर १९७१ मध्ये लागलेला कलंक धुवून निघेल, असं ताहीर या कार्यक्रमात म्हणाला.