भाजपचे ज्येष्ठ नेते आणि माजी राज्यसभा खासदार बलवीर पुंज यांचे शनिवारी निधन झाले आहे. ते आपल्या स्पष्टवक्तेपणासाठी ओळखले जात होते. नोएडा येथील एका रुग्णालयात त्यांचे निधन झाले, काही दिवसापूर्वी त्यांना रुग्णालयात दाखल करण्यात आले होते. त्याच ठिकाणी त्यांनी अखेरचा श्वास घेतला. त्यांच्यावर 12.30 वाजता दिल्लीत अंत्यसंस्कार करण्यात आले.
भाजपचे ज्येष्ठ नेते, माजी राज्यसभा खासदार आणि पत्रकार बलबीर पुंज यांच्या निधनाने देशभरात शोककळा पसरली आहे. पंतप्रधान नरेंद्र मोदी, केंद्रीय गृहमंत्री अमित शाह आणि इतर अनेक नेत्यांनी त्यांना श्रद्धांजली वाहिली. सोशल मीडियावर त्यांचा फोटो शेअर करत त्यांचे निधन ही देशाची कधीही भरून न येणारी हानी आहे.
बलबीर पुंज हे केवळ एक राजकारणीच नव्हते तंत्र एक प्रगाढ विचारवंत आणि प्रभावशाली लेखकही होते. ते भाजपच्या बौद्धिक शाखेशी संबंधित होते आणि पक्षाची वैचारिक दिशा ठरवण्यात त्यांनी महत्वाची भूमिका बजावली. राष्ट्रीय मुद्यांवर स्पष्ट आणि ठाम मते असणारी व्यक्ती म्हणून ते ओळखले जात असे. बलबीर पुंज यांनी आपल्या कारकिर्दीची सुरुवात पत्रकारितेतून केली. त्यांनी 1971 मध्ये 'द मदरलँड' वृत्तपत्रातून काम करण्यास सुरुवात केली. त्यानंतर 1974 मध्ये ते फायनान्शियल एक्स्प्रेसमध्ये रुजू झाले. त्या ठिकाणी त्यांनी जवळपास 20 वर्षे काम केले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.