अयोध्येतील राम मंदिरातील दान चोरीचं प्रकरणात रोज नवनवीन खुलासे होत आहेत. अयोध्या ट्रस्टमध्ये चोरीचं प्रकरण समोर आल्यानंतर आता बँक खात्यांमध्ये जमा होणाऱ्या रकमेत मोठा फरक पाहायला मिळतोय. याच आधारावर एसआयटीला संशय आहे की, ट्रस्टमध्ये बऱ्याच काळापासून दररोज लाखो रुपयांची चोरी होत होती. दररोज ६ ते ८ लाख रुपयांची चोरी होत होती असा संशय पोलिसांना आहे.

तपास यंत्रणेने आता या संपूर्ण प्रकरणात बँक कर्मचाऱ्यांची चौकशी सुरू केली आहे. तपास यंत्रणेने अनेक महत्त्वाचे कागदपत्रदेखील आपल्या ताब्यात घेतलेत. सूत्रांनी दिलेल्या माहितीनुसार, चोरीचं प्रकरण उघडकीस येण्यापूर्वी ट्रस्टच्या एसबीआय (SBI) आणि पीएनबी (PNB) बँक खात्यांमध्ये दररोज १६ ते १८ लाख रुपये जमा केली जात होती. परंतु चोरीचं प्रकरण समोर आल्यानंतर बॅकेत जमा होणाऱ्या रक्कमेत वाढ झाली आहे. आता दररोज जमा होणारी रकम २४ ते २६ लाख रुपयांपर्यंत पोहोचली आहे.

दररोज व्हायची ६ ते ८ लाखांची चोरी

एवढी मोठी वाढ पाहून एसआयटी देखील हैराण झाली आहे. आधी दररोज सुमारे ६ ते ८ लाख रुपयांची चोरी केली जात असावी, असा संशय तपास अधिकाऱ्यांना आहे. एसआयटीने या संपूर्ण आर्थिक फरकाला आपल्या तपासाचा मुख्य भाग बनवलंय. हा पैसा नेमका कुठे जात होता आणि यामध्ये कोण-कोणते लोक सहभागी आहेत, याचा शोध घेण्याचा प्रयत्न आता अधिकारी करत आहेत. याच संदर्भात एसआयटीने एसबीआय बँकेच्या व्यवस्थापकासह एकूण १० बँक कर्मचाऱ्यांची चौकशी केली आहे.

मोठे खुलासे होण्याची शक्यता

चौकशी दरम्यान अधिकाऱ्यांनी बँकेशी संबंधित सर्व आवश्यक कागदपत्रं आणि व्यवहारांचा संपूर्ण हिशोब आपल्या ताब्यात घेतला आहे. आता या कागदपत्रांची बारकाईने तपासणी केली जातेय. जेणेकरून नेमकी कुठे गडबड झाली आणि कोणाच्या संगनमताने हे सर्व सुरू होतं, हे स्पष्ट होऊ शकेल. आतापर्यंतच्या तपासात दोन ते तीन लोकांच्या भूमिकेवर संशय व्यक्त केला जातोय