पश्चिम बंगालच्या माजी मुख्यमंत्री आणि टीएमसीच्या प्रमुख ममता बॅनर्जी यांच्यावर हल्ला करण्याचा प्रयत्न झालाय. ममता बॅनर्जी या कोलकाता येथील कालीघाटमधील दुर्गा पूजा पंडालचं उद्धघाटनाला जात होता. त्यावेळी त्यांच्यावर एका तरुणीनं हल्ला केला. हल्लेखोर तरुणीनं ममता बॅनर्जी यांची साडी ओढली आणि त्याच्यावर हल्ला करण्याचा प्रयत्न केला.

या कथित घटनेचा संदर्भ देत, स्थानिक तृणमूल काँग्रेस नेतृत्वाने माजी मुख्यमंत्र्यांच्या सुरक्षा व्यवस्थेबाबत पुन्हा एकदा प्रश्न उपस्थित केलेत. पश्चिम बंगालमधील निवडणुकीतील पराभवानंतर टीएमसी नेत्यांना वारंवार जनतेचा रोष आणि हल्ल्यांचा सामना करावा लागतोय. आता टीएमसीच्या प्रमुख नेत्या ममता बॅनर्जीवर हल्ला झालाय. दरम्यान टीएमसीच्या खासदार डोला सेन यांनी पोलिसांकडे तक्रार दाखल केली आहे.

कोलकातामधील कालीघाट भागात असलेल्या ममता बॅनर्जी यांच्या निवासस्थानाबाहेर एका महिलेने त्यांच्याशी उद्धट वर्तन केले. त्यांच्यावर हल्ला करण्याचा प्रयत्न केला, असा आरोप डोला सेन यांनी केलाय. त्यांच्या तक्रारीनुसार हल्लेखोर महिला कथितरीत्या मद्यधुंद अवस्थेत होती आणि अपशब्द वापरत होती. तिने ममता बॅनर्जी यांच्या जवळ जाण्याचा प्रयत्न केला.

तृणमूल काँग्रेसने या घटनेबाबत पोलिसांत तक्रार दाखल केली आहे. आपल्या नेत्याच्या सुरक्षेच्या व्यवस्थेबाबत गंभीर प्रश्न उपस्थित केले आहेत. ती महिला मद्यधुंद अवस्थेत होती किंवा तिने हल्ला करण्याचा प्रयत्न केला, या आरोपांना अद्याप कोणीही दुजोरा दिला नाहीये.