पाकिस्तानच्या लष्कराचा फक्त सर्वसामान्य पाकिस्तान्यांना आणि भारतीयांनाच त्रास आहे असं जर तुम्हाला वाटत असेल तर तुम्ही चुकताय. कारण पाकच्या लष्करप्रमुखानं जगाला संपवण्याचं विखारी स्वप्न पाहिलंय. आणि याच स्वप्नाला सत्यात उतरवण्याचे मनसुबे जगाची महासत्ता म्हणवणाऱ्या अमेरिकेतून जाहिरही केलेत. आपल्या डोक्यात तर मेंदू नाहीच पण गुडघ्यातही मेंदू नाही हे पाकच्या लष्कर प्रमुखानं पुन्हा कसं सिद्ध केलंय पाहा..अमेरिकेच्या कुबड्यांवर मुनीरनं काय पोकळ धमकी दिली आहे ती.

काय म्हणाला असीम मुनीर?

आपण बुडणार असं वाटलं तर आम्ही अर्ध्या जगाला बरोबर घेऊन जाऊ

अमेरिकेच्या भूमीवरुन भारतावर अणुबॉम्ब टाकण्याची अप्रत्यक्ष धमकी

पाकिस्तानच्या अस्तित्वाला धोका निर्माण झाला तर अणुशस्त्रांचा वापर करणार

भारताच्या निर्णयामुळे पाकिस्तानच्या 25 कोटी लोकांना उपासमारीचा धोका

भारतानं सिंधूवर धरण बांधलं तर ते 10 मिसाइल्स टाकून उडवून देणार

मात्र यापूर्वीच मोदींनी अण्वस्त्रांच्या धमकीला भीक घालत नसल्याचं पाकला ठणकावून सांगितलं होतं. त्यामुळे पाकिस्तान हा दुसऱ्याच्या बळावर उड्या मारणारा देश आहे. कधी चीन तर कधी तुर्की तर कधी अमेरिका. पाकिस्तानमध्ये उघ़डपणे युद्ध करण्याची हिंमत नाही..मात्र स्वप्नं जगाची राख करण्याची आहेत.

जगातील दिवाळखोर देश, चीनी कर्जाचा डोंगर, तुर्कीच्या लष्करी बळावर चीनी शस्त्रांच्या भरवशावर असीम मुनीर सारख्या दात नसलेल्या सर्कशीतील वाघाच्या डरकाळीनं पाकिस्तानं पुन्हा एकदा स्वताचं हसं करुन घेतलंय. हे पुन्हा सिद्ध झालंय.