Brunei Prince Abdul Mateen Wedding:

आशियातील ब्रनेई येथील राजकुमार अब्दुल मतीन हे अखेर लग्न बंधनात अडकले आहेत. याच ब्रनेई देशातील बंदार सेरी बेगावन येथील एका सर्वसामान्य कुटुंबातील तरुणीशी राजकुमार अब्दुल यांनी लग्नगाठ बांधली आहे. राजकुमार अब्दुल यांचा शाही लग्नाचा सोहळा १० दिवस चालणार आहे. या शाही विवाहाची जगभर चर्चा सुरु आहे. (Latest Marathi News)

३२ वर्षांचे राजकुमार अब्दुल मतीन यांचा विवाह २९ वर्षीय अनीशा रोस्ना ईसा-कालेबिक या तरुणीशी झाला. या दोघांचा शाही विवाह हा १६ जानेवारीला समाप्त होणार आहे. राजकुमार मतीन हे उत्कृष्ट पोलो खेळाडू आहेत. तसेच ते व्यावसायिक हेलिकॉप्टर पायलट आहेत. तरुणींमध्ये राजकुमार अब्दुल हे चांगलेच प्रसिद्ध आहेत. इन्टाग्रामवर त्यांचे २५ लाख फॉलोवर्स आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जगातील सर्वात श्रीमंत राजघराणे

ब्रुनेई देशातील शाही कुटुंबाची एकूण मालमत्ता २८ अब्ज डॉलर इतक्या रुपयांची आहे. राजकुमार अब्दुल मतीन यांचं घराणे जगातील श्रीमंत राजघराण्यापैकी एक आहे. शाही कुटुंबातील राजकुमार मतीन यांच्यापेक्षाही घरात ६ जण मोठे आहेत.

ते ६ जण राजघराण्यातील सिंहासनाचे दावेदार आहेत. त्यामुळे त्यांची त्यांच्या पित्याच्या निधनानंतर राजगादीवर बसण्याची शक्यता कमी आहे. पण डॅशिंग लूकमुळे अब्दुल मतीन सोशल मीडियावर खूप प्रसिद्ध आहेत.

मतीन यांची पत्नी ईसा-कालेबिक ही रॉयल ब्रुनेई एयरलाइन्सचे संस्थापक अध्यक्ष यांची नात आहे. तसेच ईसा-कालेबिक ही कथित सिल्क कलेक्टिव नावाच्या एक फॅशन ब्रँड चालवते.

१७८८ खोल्यांच्या महालात रंगणार विवाह सोहळा

राजकुमार मतीन यांची लग्नसोहळा १७८८ खोल्यांच्या अलिशान महालात रंगला. राजकुमार अब्दुल यांचा विवाह झाल्यानंतर लोकांनी राजकुमार आणि राजकुमारीचं अभिनंदन केलं. १० दिवसांच्या शाही विवाह सोहळ्यात जगभरातील राजघराण्यातील व्यक्ती आणि मोठे नेते हजेरी लावण्याची शक्यता आहे.