अमृतसर - पठाणकोट नॅशलन हायवेवरील कट्थूनंगल परिसरात एक दुर्देवी अपघात घडला आहे. एक प्रवासी बस आणि डंपरचा भीषण अपघात घडला आहे. या अपघातात ३५ ते ४० जण गंभीर जखमी झाले आहेत. तर, १० जणांचा अपघाती मृत्यू झाल्याची माहिती समोर आली आहे. मृतांचा आकडा वाढण्याची शक्यता आहे. अपघाताची माहिती मिळताच घटनास्थळी काही काळ गोंधळ उडाला. जखमींपैकी अनेकांची प्रकृती गंभीर असल्याची माहिती आहे.

मिळालेल्या माहितीनुसार, बटालाहून अमृतसरच्या दिशेनं जाणारी एक खासगी बस मोठ्या संख्येनं प्रवासी घेऊन जात होती. बस गोपाळपुरा गावाजवळ येताच समोरून येणाऱ्या ट्रकनं सिग्नल न देता यू-टर्न घेतला. भरधाव बसची ट्रकला धडक बसली. धडक इतकी जोरदार होती की, बसच्या पुढच्या भागाचा चुराडा झाला. अपघातानंतर ट्रक चालक घटनास्थळावरून फरार झाला.

या घटनेनंतर स्थानिकांनी पोलिसांना माहिती दिली. घटनास्थळी पोलीस आणि रूग्णवाहिका पोहोचल्या. त्यांनी मृतदेह ताब्यात घेतले. तसेच जखमींना तातडीने उपचारासाठी रूग्णालयात पाठवले. हा भीषण अपघात बुधवारी रात्रीच्या सुमारास घडली. या भीषण अपघातानंतर महामार्गावर बराच वेळ वाहतूक झाली होती. जी पोलिसांनी बऱ्याच प्रयत्नांनंतर सोडवली.

पोलिसांकडून मृत व्यक्तींची ओळख पटवण्याचं काम सुरू आहे. तसेच फरार चालकाचा शोध सुरू आहे. ट्रक चालकाच्या चुकीमुळे हा भीषण अपघात घडला, असं पोलिसांनी सांगितलं. या घटनेचा अधिक तपास सुरू आहे.