Ahmedabad Fire News : गुजरातच्या अहमदाबमध्ये एका इमारतीला आग लागल्याची घटना घडली. इमारतीला आग लागल्यानंतर लोकांची एकच धावपळ उडाली. आग लागल्याने लोकांनी भीतीने इमारतीमधून उड्या मारल्या. तर काही लोकांनी खिडक्यांमधून लटकून जीव वाचवला. इमारतीला आग लागल्याची घटनेने इमारतीत खळबळ उडाली.

गुजरातच्या खोखर सर्कल येथील परिस्कर १ अपार्टमेंटमध्ये ही आगीची दुर्घटना घडली. इमारतीला आग आज शुक्रवारी दुपारी तीन वाजता लागली. इमारतीला आग लागल्यानंतर सर्वांची धावाधाव सुरु झाली. आतापर्यंत इमारतीमधील १८ जणांना रेस्क्यू करण्यात आलं. आगीवर नियत्रंण मिळवण्यात यश आलं आहे. त्यानंतर इमारतीत एकच खळबळ उडाली.

अहमदाबादच्या खोखरा येथील इमारतीत राहणाऱ्या भूमिका सांगितलं की, 'मी दुपारी ३.१५ वाजणाच्या सुमारास लोक ओरडू लागले. मी घराबाहेर आली, तेव्हा धूरांचे लोट दिसले. स्फोटांचा आवाज आला. यामुळे घराबाहेर निघालो. आमचा शू रॅक जळून खाक झाला. तसेत आमच्या घराचा मुख्य दरवाजाही जळून खाक झाला होता'.

भूमिका यांनी पुढे सांगितलं की, 'आग लागल्यानंतर इमारतीतून बाहेर पडलो. इमारतीमधून बाहेर आल्यानंतर आमच्या घरांचं किती नुकसान झालं, हे समजलं. आम्ही घरात असल्याने आगीचा किती भडका उडाला होता, हे कळाले नाही. इमारतीला आग भयंकर लागली होती'. दरम्यान, इमारतीमधून लोकांनी उड्या मारल्याचा व्हिडिओ सोशल मीडियावर व्हायरल होत आहे. व्हिडिओमधील दृश्य पाहून नेटकरीही हादरले.