Afghanistan Pakistan Border Clashes : पाकिस्तानने अफगाणिस्तानातील हवाई हल्ल्यांनंतर, आता तालिबानने 'चोख प्रत्युत्तर' देत सीमेवर भीषण संघर्ष सुरू केलाय. नंगरहार आणि कुनार प्रांतात अफगाणी सैनिकांनी पाकिस्तानी सैन्य चौक्यांवर जोरदार हल्ला चढवला आहे. या हल्ल्यात १२ पाकिस्तानी सैनिक ठार झाले असून त्यांचं मोठं नुकसान झालंय.. अफगाण सैन्याने 'ड्युरंड लाईन' जवळील अनेक पाकिस्तानी चौक्यांवर ताबा मिळवला आणि त्यांच्या लष्करी सुविधा उद्ध्वस्त केल्या.

तालिबानने पाकिस्तानवर आपल्या सार्वभौमत्वाचे उल्लंघन केल्याचा आणि हवाई हल्ले केल्याचा आरोप केलाय. अफगाणिस्तानचे परराष्ट्र मंत्री अमीर खान मुत्तकी यांनी भारतामधून पाकिस्तानला कडक शब्दांत इशारा दिला की, "अफगाणींच्या धैर्याची परीक्षा घेऊ नका." या गंभीर संघर्षाने दोन्ही देशांमधील तणाव युद्धाच्या टोकावर आणला असून, दक्षिण आशियात मोठा अस्थिरता निर्माण झालीय.

शनिवारी रात्री तालिबानी सैन्याने एकाचवेळी पाकिस्तानच्या पाच प्रांतावरहल्ला केला. अफगानिस्तानी मिडिया आणि तालिबानमधील सूत्रांनी या हल्ल्याला दुजोरा दिला आहे. पाकिस्तान आणि अफगाणिस्तान सिमेवर सध्या तणावपूर्ण शांतता असून संघर्ष अद्याप सुरूच असल्याचे समोर आले आहे. दोन्ही देशांमध्ये भीषण संघर्ष सुरू असल्याचे अमेरिकेच्या जल्मय खलीलजाद यांनी सागंतिलेय.

टोलो न्यूजच्या वृत्तानुसार, तालिबानी सैनिकांनी पाकिस्तान सैन्याच्या आठ ठिकाणी एकाचवेळी हल्ला केला. पाकिस्तानच्या सिमेवरील अचीन, स्पिन घार, ललपूरा, शोराबाक आणि जाबूल प्रांताच्या काही ठिकाणी पाकिस्तानच्या चौक्या तालिबान्यांनी उद्ध्वस्त केल्या. तालिबानी सैन्याच्या हल्ल्यात पाकिस्तानचे १२ जणांचा आतापर्यंत मृत्यू झाला आहे. तर काहीजण बंदी आहे. दरम्यान, पाकिस्तानने काबुल अन् पक्तियामध्ये हवाई हल्ला करत सर्वसामान्यांना निशाणा बनवलं होतं. पाकिस्तानच्या या हल्ल्याचे हे प्रत्युत्तर असल्याचे तालिबानने स्पष्ट केलेय.

काबूलवरील पाकिस्तानच्या हवाई हल्ल्याला प्रत्युत्तर म्हणून नांगरहार आणि कुनार प्रांतातील डुरंड रेषेजवळील पाकिस्तानी लष्करी चौक्यांवर हल्ले केल्याचे खालिद बिन वालिद आर्मी कॉर्प्सने स्पष्ट केले. हुर्रियत रेडिओ इंग्लिशने वृत्त दिले आहे की १२ पाकिस्तानी सैनिक मारले गेले आणि सहा जणांना जिवंत पकडले गेले. तालिबानी हल्ल्यात पाकिस्तानच्या अनेक चौक्या उद्ध्वस्त झाल्या आहेत. तालिबानच्या हल्ल्यानंतर पाकिस्तानच्या सैन्याने चौक्या सोडून पळ काढल्याचेही अफगाण मिडियाने म्हटले आहे.