वृत्तसंस्था : मेक्सिकोमध्ये (Mexico) गुरुवारी रात्री उशिरा २ ट्रकमध्ये भीषण अपघात झाला आहे. चियापास मधील (Chiapas) दक्षिण- पूर्व मेक्सिकन शहर तुक्स्टला गुटिरेझ जवळच २ ट्रकची जोरदार धडक होऊन झालेल्या भीषण अपघातमध्ये ४९ जण ठार, तर ५८ जण गंभीररित्या जखमी झाले आहेत. बचाव पथकाने (Mexico Rescue squad) ही माहिती दिली आहे. (A truck carrying people to Mexico crashed)

हे देखील पहा-

या भीषण अपघातामध्ये एका ट्रकमध्ये मध्य अमेरिकेमधील १०० हून अधिक प्रवासी होते. प्राथमिक मिळालेल्या माहितीनुसार, या अपघातामध्ये ५८ जण जखमी झाले असून, त्यापैकी ३ जण गंभीररित्या जखमी झाले आहेत. त्यांना शहरातील रुग्णालयात दाखल करण्यात आले आहे. या अपघातामध्ये ४९ जणांचा मृत्यू झाल्याची माहिती बचाव पथकाने गुरुवारी रात्री उशिरा फेसबुकवर दिली आहे.

चियापासचे गव्हर्नर रटिलियो एस्कंडन (Governor Ratilio Eskandon) यांनी पीडितांच्या कुटुंबीयांप्रति दु:ख व्यक्त केले आहे. या अपघातासाठी जबाबदार असलेल्यांवर कडक कारवाई करण्याचे आश्वास त्यांनी दिले आहे. अद्याप या मृतांची कोणतीही ओळख पटली नाही. शवविच्छेदन अहवाल आल्यानंतर, मृतदेह नातेवाईकांच्या ताब्यात देण्यात येणार असल्याचे सांगितले जात आहे.

Edited By- Digambar Jadhav