पुणे : पत्नी आणि सासर्‍याच्या मानसिक त्रासाला कंटाळून एका तरुणाने गळफास घेऊन आत्महत्या केल्याची धक्कादायक घटना हडपसरच्या (Hadapsar) सातववाडी येथे घडली आहे. आत्महत्या करणाऱ्या पतीने आत्महत्या करण्यापूर्वी सुसाईट नोट लिहून ठेवली होती. त्यावरुन हडपसर पोलिसांनी आत्महत्या करण्यास प्रवृत्त केल्याप्रकरणी पत्नी आणि सासर्‍याविरुद्ध गुन्हा दाखल केला आहे. योगेश रुपचंद धनवडे वय 22 असं आत्महत्या केलेल्या तरुणाचे नाव आहे.

हे देखील पहा -

योगेशच्या पत्नी आणि सासर्‍याविरूध्द गुन्हा नोंद करण्यात आला आहे. योगेश हा सध्या बेरोजगार (Unemployed) होता त्यामुळे पत्नी आणि सासरे हे त्याला सतत बोलत असत. त्यांच्यामध्ये नेहमी वाद देखील होत आणि या सततच्या वादाला कंटाळून योगेशने सातववाडी येथील घरात 10 नोव्हेंबर रोजी सायंकाळी गळफास घेऊन आत्महत्या केली होती.

आत्महत्या (Suicide) करण्यापूर्वी त्याने एक चिठ्ठी लिहून ठेवली होती. त्यात त्याने पत्नी आणि सासरे यांच्या मानसिक त्रासाला कंटाळून आत्महत्या करीत असल्याचे म्हटले होते. त्याची ही चिठ्ठी नुकतीच सापडली. त्यावरुन हडपसर (Hadapsar) पोलिसांनी गुन्हा दाखल केला आहे.

Edited By - Jagdish Patil