'बॉम्बस्फोट प्रकरणामध्ये योगी आदित्यनाथ यांचे नाव घेण्यासाठी मला धमकावले'

मुंबई : राज्याच्या दहशतवादविरोधी पथकाने उत्तर प्रदेशचे मुख्यमंत्री योगी आदित्यनाथ (Yogi Adityanath) आणि राष्ट्रीय स्वयंसेवक संघाच्या (RSS ) चार नेत्यांची नावे घेण्यासाठी धमकावले असल्याची साक्ष मालेगाव येथे 2008 मध्ये झालेल्या बॉम्बस्फोट प्रकरणातील संबंधित खटल्यामधील एका साक्षीदाराने विशेष न्यायालयासमोर साक्ष दिली आहे.

दरम्यान न्यायालयाने या साक्षीदाराला फितूर म्हणून घोषित केले आहे. मुंबईचे माजी पोलीस आयुक्त परमबीर सिंह (Parambir Singh) हे या बॉम्बस्फोटाचा तपास सुरू असताना राज्याच्या दहशतवादविरोधी पथकाचे अतिरिक्त आयुक्त होते. तसंच भाजप खासदार साध्वी प्रज्ञासिंह ठाकूर, ले. कर्नल प्रसाद पुरोहित यांच्यासह अन्य आरोपींवर दहशतवादाच्या मुख्य आरोपाअंतर्गत विशेष न्यायालयासमोर सध्या खटला चालवण्यात येत आहे.

हे देखील पहा -

मंगळवारी झालेल्या सुनावणीच्या वेळी साक्ष नोंदवण्यात आलेल्या साक्षीदाराने ATS या प्रकरणाचा तपास करत असताना त्याचा जबाब नोंदवण्यात आल्याचे साक्षीदाराने न्यायालयाला सांगितले. शिवाय परमबीर सिंग आणि च्या ATS च्या अन्य एका अधिकाऱ्याने योगी आदित्यनाथ, (Yogi Adityanath) इंद्रेश कुमार यांच्यासह RSS च्या चार नेत्यांची नावे घेण्यासाठी धमकावले होते असा दावा त्याने यावेळी केला शिवाय़ एटीएएसच्या अधिकाऱ्यांनी आपला खूप छळ केला असल्याचही या साक्षीदाराने सांगितलं.

Edited By - Jagdish Patil