Baba Ramdev News : योग, आयुर्वेद आणि स्वदेशी विरोधात मोठं षडयंत्र रचलं जातंय, योगाला बदनाम करण्यासाठी धार्मिक दहशतवाद कारणीभूत आहे. पतंजली आणि योगविरोधात उत्तराखंड मधून षडयंत्र सुरू केलं गेलं ज्याचा आम्ही पर्दाफाश केला, असा खुलासा करत बाबा रामदेव (Baba Ramdev) यांनी पत्रकारपरिषदेत गंभीर आरोप केले आहेत. बाबा रामदेव यांनी आज मुंबईत पत्रकारपरिषद घेतली. यावेळी त्यांनी हैराण करून सोडणारे खुलासे केले आहेत. (Baba Ramdev Todays News)

काय म्हणाले बाबा रामदेव?

योग गुरु बाबा रामदेव यांनी आज मुंबईत (Mumbai) पत्रकार परिषद घेतली. या पत्रकार परिषदेत त्यांनी अनेक गंभीर आरोप केले. योगाच्या बदनामीसाठी धार्मिक दहशतवाद कारणीभूत असल्याचं त्यांनी म्हटलं आहे. पतंजलिने आतापर्यंत लाखो लोकांना रोजगार दिला. मात्र, आता काही लोक योग, आयुर्वेद आणि स्वदेशी विरोधात षडयंत्र रचत आहे. या षडयंत्राला उत्तराखंडमधून सुरूवात झाली आहे. असा आरोप बाबा रामदेव यांनी केलाय. (Baba Ramdev Latest News)

पतंजलीला आयपीओ बाजारात आणणार

पुढे बोलताना ते म्हणाले की, लवकरच आम्ही पतंजलीचा आयपीओ बाजारात आणणार आहे. याशिवाय पतंजली पाच नव्या कंपन्यांची स्थापना करणार आहे, यामध्ये पतंजली आयुर्वेद, पतंजली वेलनेस पतंजली मेडिसीन, पतंजली लाईफस्टाईल या कंपन्यांचा समावेश आहे. यामाध्यमातून अनेकांना रोजगार मिळणार आहे. असल्याचंही ते पत्रकार परिषदेमध्ये म्हणाले आहेत.

Edited By - Satish Daud