पुणे - अचानक टायर Tyre फुटल्याने रस्त्यावरुन जात असताना कार रस्त्याच्या कडेला असलेल्या पानशेत धरणाच्या Panshet dam पाण्यात पडली. या भीषण अपघातात कारमधील महिलेचा जागीच मृत्यू झाला तर पती आणि मुलगा वाचले आहेत. वेल्हे पोलीस ठाण्याचे सहायक पोलीस Police निरीक्षक मनोज पवार Manoj Pawar यांनी या घटनेबाबाद माहिती दिली.

वेल्हे पोलिस ठाण्याचे सहायक पोलिस निरीक्षक मनोज पवार यांनी दिलेल्या माहिती नुसार, समृद्धी योगेश देशपांडे असे या मृत महिलेचे नाव आहे. ही महिला पुण्यातील शनिवार पेठ परिसरात होती. या अपघातात पती योगेश देशपांडे आणि मुलगा हे बचावले आहेत. घटना रविवारी दुपारी दोन वाजण्याच्या सुमारास पुणे-कुरण-वेल्हे या रस्त्यावरील कादवे या ठिकाणी घडली आहे.

प्रताप माहितीनुसार, हे तिघेजण पानशेत परिसरात पर्यटनासाठी आले होते. पुढे आल्यावर त्यांनी आपली कार जेवणासाठी एका हॉटेलवर थांबवली होती. धरणाच्या काठाने कार चाललेली असताना अचानक टायर फुटला आणि कार कारवरील नियंत्रण गमावलं त्यानंतर कार सरळ पाण्यात जाऊन पडली.

कार चालकाने यावेळी कार आवरण्याचा प्रयत्न केला पण हे प्रयत्न निष्फळ ठरले. ही कार सुरुवातीला पाण्यावर तरंगत होती. पण नंतर कार हळू हळू पाण्यात गेली. त्यामुळे पुढच्या बाजूच्या दोन्ही खिडक्या उघड्या असल्याने महिलेचे पती आणि मुलगा पाण्याबाहेर पडण्यास यशस्वी झाले. पण मागील दरवाजाची काच बंद असल्यामुळे समृद्धी यांना बाहेर पडता न आल्याने या महिलेचा मृत्यू झाला आहे.

Edited By - Shivani Tichkule