मुंबई: राज्यात हिवाळी अधिवेशनाला आजपासून सुरुवात होत आहे आणि या अधिवेशनात मुख्यमंत्री उद्धव ठाकरे (Uddhav Thackeray) येणार असल्याची माहिती यापुर्वीच उपमुख्यमंत्री अजित पवार यांनी दिली होती. अशात मुख्यमंत्र्यांना मानेचा त्रास होत असल्यामुळे प्रवासात त्याची दुखापत वाढू नये यासाठी वर्षा बंगला ते विधान भवन या मार्गावरील काही किलोमीटरचा रस्ता (Road) हा गुळगुळीत (Clean) करण्यात आला आहे. या रस्त्यावर असलेले खड्डे आणि स्पीड ब्रेकर यांमुळे मुख्यमंत्र्यांना त्रास होऊ नये यासाठी प्रशासन खडबडून जागे झाले.

हे देखील पहा -

मुख्यमंत्री उद्धव ठाकरे यांना पाठीचा मणका आणि मानेच्या स्नायूंच्या दुखापतीचा त्रास बळावळा होता. त्यामुळे ते मुंबईतील एच. एन. रिलायन्स रुग्णालयात दाखल झाले होत. १२ नोव्हेंबर रोजी मुंबईतूल HN रिलायन्स हॉस्पिटलमध्ये त्यांच्यावर शस्त्रक्रिया झाली होती. आता शस्त्रक्रियेनंतर पहिल्यांदाच ते हिवाळी अधिवेशनासाठी (Winter Session) सभागृहात उपस्थित राहणार आहे. त्यामुळे वर्षा बंगला ते विधान भवन या मार्गावरील प्रवासादरम्यान रस्त्यांवरील खड्डे आणि गतिरोधकांमुळे त्यांच्या मानेची हालचाल होऊन त्यांना त्रास होऊ नये यासाठी प्रशासनाने हा रस्ता अगदी गुळगुळीत केला आहे.

दरम्यान आजपासून सुरू होणारे हिवाळा अधिवेशन वादळी ठरण्याची शक्यता आहे. या अधिवेशनात राज्यातील गुन्हे, महिला सुरक्षा प्रश्नांवर सत्ताधाऱ्यांना विरोधक घेरण्याचा प्रयत्न करणार आहेत. तर दुसरीकडे शक्ती कायद्याबाबत महत्वाची चर्चा ही होणार आहे. शिवाय शिवाजी महाराज पुतळा विटंबना प्रकरणात सत्ताधारी भाजपला जाब विचारू शकतात असं गृहमंत्री दिलीप वळसे पाटील यांनी म्हटलंय.

Edited By - Akshay Baisane