रश्मी पुराणिक -

मुंबई : राष्ट्रवादीचा दाऊदशी संबंध, मग पंतप्रधान पवारांच्या घरी का जातात; असा सवाल वंचित बहुजन आघाडीचे अध्यक्ष प्रकाश आंबेडकर (Prakash Ambedkar) यांनी केला आहे. राज्याचे अल्पसंख्यांक मंत्री आणि राष्ट्रवादीचे नेते नवाब मालिक (Nawab Malik) यांच्या राजीनाम्यासाठी भाजपने आक्रमक पवित्रा घेतलाय. मलिकांच्या राजीनामान्याची मागणी करत भाजपकडून आंदोलन करण्यात येत आहेत तसंच भाजपनेते नितेश राणे यांनी राष्ट्रवादी पक्षाचे सर्वेसर्वा शरद पवारांचेच दाऊदशी संबंध असण्याची शक्यता असल्याचं ट्विट केलं आहे.

शिवाय देवेंद्र फडणवीसांनी (Devendra Fadnavis) दाऊदसोबत मलिकांनी व्यवहार केले असून त्यांनी दिलेल्या पैशांचा दाऊदला दहशतवादी कारवाया करण्यासाठी पैसा मिळाला असे अनेक आरोप मलिकांवरती केले आहेत. या सर्व प्रकरणामध्ये आता वंचित बहुजन आघाडीचे अध्यक्ष प्रकाश आंबेडकर यांनी उडी घेतली असून जर राष्ट्रवादी पक्षाचे दाऊद इब्राहिमशी संबंध आहेत तर मग पंतप्रधान शरद पवारांच्या घरी का जातात? फडणवीस यांनी उत्तर द्यावं असं ट्विट त्यांनी केलं आहे.

Edited By - Jagdish Patil