- सिद्धेश म्हात्रे

Gateway of India to Belapur Water Taxi Services : उद्यापासून (ता. चार फेब्रुवारी) गेटवे ऑफ इंडिया ते बेलापूर (Gateway of India to Belapur) दरम्यान वॉटर टॅक्सी सेवेस (Water Taxi Services) प्रारंभ हाेत आहे. मुंबई बंदर प्राधिकरणाने (Mumbai Port Authority) नयनतारा शिपिंग कंपनीला (Nayantara Shipping Company) प्रवासी सेवा चालवण्यास नुकतीच मान्यता दिली आहे.

नयन इलेव्हन या वॉटर टॅक्सीमध्ये खालच्या डेकवर एकशे चाळीस प्रवासी प्रवास करू शकतात. या प्रवाशांसाठी दाेनशे पन्नास रुपये तिकीट दर आहे. तसेच बिझनेस क्लासमधून साठ प्रवासी प्रवास करू शकतात. त्यांच्यासाठी तीनशे पन्नास रुपये तिकीट दर आहे.

ही प्रवासी बोट सकाळी साडे आठला बेलापूर जेट्टी वरून निघेल. ती साडे नऊ वाजता गेट वे ऑफ इंडियाला पोहचेल. तसेच संध्याकाळी साडे सहा वाजता गेट वे ऑफ इंडियावरून वाॅटर टॅक्सी निघेल ती साडे सात वाजता बेलापूर जेट्टीवर पोहचेल. या वाॅटर टॅक्सी सेवेमुळे प्रवासाच्या वेळेची बचत हाेणार असल्याने मुंबईकर (passengers) यास प्रतिसाद देतील असा विश्वास व्यवस्थापनाकडून व्यक्त हाेत आहे.

Edited By : Siddharth Latkar