सचिन जाधव, साम टीव्ही पुणे

पुणे शहरात आज अनेक ठिकाणी पाणीपुरवठा बंद राहणार असल्याचं समोर आलंय. जवळपास निम्म्या शहराचा पाणीपुरवठा आज पूर्णपणे राहणार बंद आहे. शहराला पाणी पुरवठा करणारी ससुन रुग्णालय परिसरातील जलवाहिनी फुटली आहे. त्यामुळे आज पाणीपुरवठा बंद राहणार आहे. जलवाहिनीच्या दुरुस्तीसाठी पुणे शहरातील अनेक भागात आज पाणी येणार नाही.

कोणत्या भागांना फटका?

तर उद्या देखील कमी दाबाने पाणीपुरवठा होणार (Pune Water Stoarage) आहे. पुणे रेल्वे स्थानक परिसर, सोमवार पेठ, मंगळवार पेठ, स्वारगेट,ससून सर्वोपचार रुग्णालय,गणेशखिंड रस्त्यावरील संचेती रुग्णालय ते मोदीबाग या भागांतील पाणी पुरवठा आज बंद राहणार आहे. त्यामुळे पुणेकरांना आज आणि उद्या पाण्याच्या बाबतीने काळजी घेणं गरजेचं (Pune Water) आहे.

निम्म्या शहरात आज पाणीपुरवठा राहणार बंद

निम्म्या पुणे शहराचा आज पाणी पुरवठा हा ठप्प राहणार आहे. त्यामुळे पाणी जपून वापरा, असं आवाहन महानगर पालिकेनं (Pune water supply) केलंय. ससुन रुग्णालय परिसरातील जलवाहिनी फुटल्याचा फटका जवळपास संपूर्ण शहराला बसणार आहे. त्यामुळे पाण्याचा काटकसरीने वापरण्याचं आवाहन पालिकेनं केलं आहे. यंदा पुणे शहरातील धरणसाखळी क्षेत्रात चांगला पाऊस झालाय. त्यामुळे शहराला पाणीपुरवठा करणाऱ्या धरणांतील पाणीसाठ्यामध्ये देखील झपाट्याने वाढ झालीय.

पाणी जपून वापरा!

खडकवासला प्रकल्पामधील चार धरणांमधील पाणीसाठा जवळपास ९० टक्क्यांवर पोहचला आहे. त्यामुळे पुणेकरांवरील यंदा पाणीकपातीचं संकट (Pune News) टळलंय. तसंच त्यांची वर्षभराची चिंता देखील मिटलीय. परंतु आता जलवाहिनी फुटल्यामुळे पुणेकरांना दोन दिवस थोडासा त्रास सहन करणार आहे. त्यांना पाणी जपून वापरण्याचं आवाहन करण्यात येतंय. गतवर्षी पाऊस कमी झाल्यामुळे पुणेकरांना पाणी टंचाईचा सामना करावा लागला होता. परंतु यंदा पाणीसाठ्यात पुरेशी वाढ झाल्याचं सांगितलं जातंय. त्यामुळे पुणेकरांना पाणी टंचाईपासून आता दिलासा मिळालेला आहे.