- सागर आव्हाड
भोर महाड मार्गावरील वरंधा घाट एक तारखेपासून बंद असल्याची अधिसूचना जारी करूनही या मार्गावर वाहने ये जा करत आहेत. दुरुस्ती कामात अडथळे निर्माण होण्याच्या शक्यतेने रायगड प्रशासनाकडून भोर रायगड हद्दीच्या सीमेवर दगड मातीचे ढिगारे टाकून रस्ता सर्व वाहनांसाठी बंद करण्यात आला आहे. त्यामुळे भोरकडून, कोकणाकडे व कोकणातून भोरकडे येण्यास घाट बंद झाला आहे. (Maharashtra News)
भोर-महाड मार्गावरील वरंधा घाटात अतिवृष्टीने २०१८ मध्ये झालेली पडझड, २०१९ दुरुस्ती, २०१९ ते २०२० व २१ काेरोना काळ तसेच २०२१ अतिवृष्टी, २०२२ मध्ये दरडी कोसळल्यामुळे व उंबर्डेवाडी येथे रस्ता खचल्याने, २०२३ मध्ये दरडी व सुरक्षतेसाठी तर २०२४ रस्ता दुरुस्ती, अशा कारणांमुळे सन २०१८ पासून गेली सात वर्षे प्रत्येक वर्षातील काही दिवस रस्ता बंद ठेवण्यात येत आहे. वरंधा (ता. महाड) हद्दीत बॅरिकेट व सूचना फलक रायगड पोलिसांकडून लावले आहेत.
वरंधा घाट मार्गास पर्यायी मार्ग म्हणून कोकणात जाण्यासाठी पुणे मुळशी पिरंगुट-ताम्हाणी घाट- निजामपूर रोड-माणगाव व पुणे-वाई-आंबेनळी घाटमार्गे पोलादपूर असा असणार असून वरंधा घाट सुरू होईपर्यंत या मार्गाचा अवलंब करण्याचे आवाहन प्रशासनाने केले आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.