पुणे : येरवडा जयप्रकाश नगर या ठिकाणी चार अल्पवयीन मुलांनी दोन दुकाने फोडली आहेत. हा सगळा प्रकार सीसीटीव्ही फुटेज मध्ये कैद झाला आहे. याबाबत माहिती अशी की जयप्रकाश नगर येथील किराणा दुकाने दहशत माजविण्याच्या दृष्टीने फोडण्यात आली आहेत. यामध्ये नेमका किती ऐवज चोरीला गेला हे समजू शकले नाही.

पहा व्हिडिओ-

येरवडा भागात दहशत माजविण्याच्या दृष्टीने असेच अनेक छोटे- मोठे प्रकार वारंवार घडत असतात. या घटनेमुळे परत एकदा येरवडा पोलिस ठाण्याच्या हद्दीतील कायदा व सुव्यवस्थेचा प्रश्न ऐरणीवर आला आहे. हे सीसीटीव्ही बघून किराणा दुकानदार दुकानात ग्राहकांना सामान देत असतानाच चार जण येऊन हॉकी स्टिकने दुकानातील सामान फोडतात.

यापूर्वीही असे अनेक प्रकार येरवडा परिसरामध्ये झाले आहेत .येरवडा पोलिस ठाण्याच्या हद्दीत गुन्हेगारी मोठ्या प्रमाणावर आहे. अवैध धंदे आणि असले युवकांचे टोळके हे दहशत माजवण्यासाठी मोठ्या प्रमाणावर फोफावले आहेत .पोलीस सर्वांना पाठीशी घालतात. दिवसाढवळ्या हे सर्व प्रकार सुरु असताना यावर वरिष्ठ पोलीस निरीक्षक मात्र गप्प आहेत. दहशत माजवणाऱ्या विरोधात येरवडा पोलिसांकडून कारवाई केली जात नसल्याच्या तक्रारी नागरिकांनी वारंवार केली आहेत.

पोलीस आयुक्त अमिताभ गुप्ता यांनी अनेक भाईलोक विरोधात मोक्का कारवाया केले असले, तरी नवीन उदायास येणाऱ्या भाई लोकांवरती काय कारवाई करतात आणि या ठिकाणच्या पोलीस निरीक्षकावर काय कारवाई होते, हे पाहणे महत्त्वाचे ठरणार आहे. जर असेच प्रकार होत राहिली तर नागरिकांचा विश्वास पोलिसांवर राहणार नाही.

Edited By- Digambar Jadhav