Ulhasnagar Crime News: उल्हासनगरच्या युनियन बँकेच्या एटीएममधून पैसे चोरी करतांना एका चोराला (Thief) पोलिसांनी नागरिकांच्या मदतीने रंगेहाथ अटक केली आहे. कॅम्प नंबर ३ परिसरात जवाहर हॉटेल समोरील युनियन बँकेच्या एटीएममध्ये हा चोरी करण्याचा प्रयत्न झाला आहे. (Ulhasnagar Latest News)

मिळालेल्या माहीतीनुसार, उल्हासनगरच्या (Ulhasnagar) कॅम्प नंबर ३ परिसरात जवाहर हॉटेल समोर युनियन बँकेचं एटीएम आहे. ५ ऑक्टोबरच्या रात्री आरोपी अखिलेश पटेल हा एटीएममध्ये स्टीलची पट्टी घालून असेम्बलीमधून पैसे काढण्याचा प्रयत्न करत होता. त्याठिकाणी असलेल्या निवृत्ती पाटणे यांनी एटीएममध्ये अखिलेश याची हरकत पाहता तात्काळ मध्यवर्ती पोलिसांना याची माहिती दिली. वरिष्ठ पोलीस निरीक्षक मधुकर कड यांनी तात्काळ पोलीस कर्मचाऱ्यांना घटनास्थळी पाठवून आरोपी अखिलेश पटेल याला ताब्यात घेत अटक केली आहे.

ही संपूर्ण घटना सीसीटीव्ही कॅमेऱ्यात कैद झाली असून आता याप्रकरणी मध्यवर्ती पोलीस ठाण्यात आरोपी अखिलेश पटेल याच्या विरोधात गुन्हा दाखल करण्यात आला आहे. याबाबत अधिक तपास सहाय्यक पोलीस निरीक्षक सुधर्म सावंत हे करत आहे.

Edited By - Akshay Baisane