कल्याण : रेल्वे पोलिसांनी दोन महिला अट्टल चोरट्यांना बेड्या ठोकल्या आहेत. रेखा कांबळे (वय ४६), रोजा कांबळे (वय २२) अशी त्यांची नावे असून या दोन चोरट्या महिलांकडून तब्बल ४ लाख,२७ हजार रुपयांचे दागिने रेल्वे पोलिसांनी हस्तगत केले आहेत. ११ डिसेंबर रोजी संध्याकाळी सव्वा सातच्या दरम्यान कल्याण रेल्वे स्टेशनवर तपोवन एक्सप्रेस गाडीच्या बोगी नं डी-७ या डब्यात गर्दीत चढत असतांना अज्ञात चोरट्यांनी फिर्यादी संगिता डोमाडे यांच्या शोल्डर पर्सची चेन खोलून आतील ३,०२,४००/- किं.चे सोन्याचे दागिने चोरले होते.

हे देखील पहा :

याबाबत संगीता यांनी रेल्वे पोलिसात गुन्हा दाखल केला होता. यानंतर तात्काळ रेल्वे पोलीस कामाला लागेल आणि सीसीटीव्ही फुटेजच्या व बातमीदाराच्या मदतीने तपास चालू केला. दरम्यान, दिनांक १५ डिसेंबर रोजी चिंचपोकळी रेल्वे स्टेशन पश्चिमेकडील शहर हद्दीत तपास करताना दोन संशयित महिला आढळून आल्या आणि पोलिसांनी त्यांना पकडले.

अधिक तपास केला असता त्यांच्याकडून चोरलेले रु. ३,०२,४००/- रुपये किमतीचे सोन्याचे दागिने व इतर दोन गुन्हांतील रु. १,२५,०००/- किमतीचे सान्याचे दागिने असा एकुण रु. ४,२७,४००/-  किमतीचा ऐवज हस्तगत केला आणि अजून 3 गुन्हे त्याच्याकडून उघडकीस आणले आहेत. सदर दोन महिला अट्टल चोरट्या असून रेखा कांबळे (वय ४६), रोजा कांबळे (वय २२) अशी त्यांची नावे आहेत.

Edited By : Krushnarav Sathe