विरार : मुंबई अहमदाबाद महामार्गावरून विरारच्या दिशेने येताना दुचाकीचा पाण्याच्या टँकर बरोबर झालेल्या अपघातात Accident दाेन जण ठार झाले तर एक गंभीर जखमी झाल्याची घटना आज (मंगळवार) सकाळच्या सुमारास घडली आहे. विरार पूर्व येथे असलेल्या उपप्रादेशिक परिवहन अधिकारी कार्यालयासमाेर हा अपघात झाला.

या अपघातात दुचाकी चालक योगेश मांडवी, त्याची आई सुनीता मांडवी यांचा जागीच मृत्यू झाला आहे. या अपघातात सात वर्षाची वेदा मांडवी ही गंभीर जखमी झालेली आहे. तिला नागरिकांनी नजीकच्या रुग्णालयात उपचारासाठी दाखल करण्यात आले आहे.

या अपघातानंतर टँकर चालक पळून गेला. पाेलिस टँकर चालकाचा शाेध घेताहेत. दरम्यान अपघातास्थळी बघ्यांची गर्दी झाली हाेती.

edited by : siddharth latkar