Summery -

मुंब्रामध्ये भयंकर अपघाताची घटना घडली.

भरधाव कंटेनरने दुचाकीला धडक दिली.

कंटेनरच्या चाकाखाली चिरडून ३ मुलांचा जागीच मृत्यू झाला

या अपघातानंतर घटनास्थळावर तणावाचे वातावरण आहे.

मुंब्रामध्ये अपघाताची भयंकर घटना घडली. भरधाव कंटेनरने दुचाकीला धडक दिली. दुचाकीवरून जाणाऱ्या ३ मुलांना कंटेनरने चिरडलं. या अपघातामध्ये तिन्ही मुलांचा जागीच मृत्यू झाला. मुंब्रामधील गावदेवी बायपासजवळ ही अपघाताची घटना घडली. या अघातानंतर घटनास्थळावर मोठी गर्दी झाली. घटनास्थळावर सध्या तणावाचे वातावरण आहे. मुंब्रा पोलिस या अपघाताचा तपास करत आहेत.

मिळालेल्या माहितीनुसार, मुंब्रामध्ये आज दुपारच्या सुमारास भयंकर अपघात झाला. गावदेवी बायपास परिसरात ३ मुलांना कंटेनरने चिरडलं. बाईकवरून ही तिन्ही मुलं चालले होते. त्यावेळी कंटेनरने त्यांच्या दुचाकीला जोरदार धडक दिली. कंटेनरच्या चाकाखाली येऊन या तिन्ही मुलांचा जागीच मृत्यू झाला. तिघांच्या मृतदेहांचा अक्षरश: चेंदामेंदा झाला.

या अपघाताची माहिती मिळताच फायरब्रिगेड, रुग्णवाहिका आणि मुंब्रा पोलिसांच्या टीमने घटनास्थळी धाव घेतली. तिघांचे मृतदेह ताब्यात घेऊन शवविच्छेदनासाठी रुग्णालयात पाठवण्यात आले आहेत. तिन्ही मुलं कामासाठी दुचाकीवरून ठाण्यातून शिळफाटा येथे जात होते त्याचवेळी ही भयंकर घटना घडली.

स्थानिक नागरिकांनी घटनास्थळी मोठी गर्दी केली आहे. घटनास्थळावर तणावाचे वातावरण आहे. मुंब्रा बायपासवर नेहमी अशा प्रकारचे अपघात होत असतात. प्रशासनाने याची गंभीर दखल घेऊन उपाययोजना करावी अशी मागणी स्थानिकांनी केली आहे.