विकास मिरगणे, नवी मुंबई

नवी मुंबईमध्ये ट्राफिक विभागामध्ये काम करणाऱ्या कर्मचाऱ्याचा अपघातामध्ये मृत्यू झाला. नवी मुंबईच्या महापे परिसरात ही घटना घडली. कर्तव्यावर असताना भरधाव हायड्रा वाहनाने ट्राफिक कर्मचाऱ्याला चिरडलं. या अपघातामध्ये त्याचा दुर्दैवी मृत्यू झाला. या घटनेमुळे हळहळ व्यक्त केली जात आहे. या प्रकरणाचा तपास पोलिसांकडून सुरू आहे.

मिळालेल्या माहितीनुसार, ट्रॅफिक विभागात कार्यरत असलेले कर्मचारी गणेश पाटील यांचा अपघातामध्ये मृत्यू झाला. एका हायड्रा वाहनाने त्यांना जोरदार धडक दिली. टायर अंगावरून गेल्यामुळे हा कर्मचारी गंभीर जखमी झाला. त्यांना तातडीने रुग्णालयात दाखल करण्यासाठी नेण्यात आले. पण डॉक्टरांनी त्यांना मृत घोषीत केले.

ही घटना अत्यंत दु:खद आणि हृदय पिळवटून टाकणारी असून संपूर्ण प्रशासकीय यंत्रणा आणि त्यांच्या सहकाऱ्यांमध्ये शोककळा पसरली आहे. या दुर्घटनेची चौकशी सुरू असून संबंधित वाहनचालकाविरुद्ध कायदेशीर कारवाई करण्यात येत आहे. सध्या महापे पोलिस अपघाताचा तपास करत आहे. या अपघातामध्ये घटनास्थळी मोठी वाहतूक कोंडी झाली होती.