मुंबईनजीकच्या नालासोपारामध्ये ट्रॅफिक पोलिसांना भरचौकात बेदम मारहाण करण्यात आल्याची घटना समोर आली आहे. नालोसोपाऱ्यातील प्रगती नगरमध्ये ही धक्कादायक घटना घडली. या घटनेचा व्हिडीओ समोर आला असून तो सोशल मीडियावर व्हायरल होत आहे. बाप-लेकाने ट्रॅफिक पोलिसांना रस्त्यावर आडवं करून लाथ्याबुक्यांनी बेदम मारहाण केली. या घटनेमुळे नालासोपाऱ्यात खळबळ उडाली आहे.
मिळालेल्या माहितीनुसार, नालासोपाराच्या प्रगती नगरात दोन वाहतूक पोलिसांना बापलेकाने जबर मारहाण केली. भरचौकात सिग्नलजवळ या दोघांनी ट्रॅफिक पोलिसांना मारहाण केली. बापाने ट्रॅफिक पोलिसाला पकडून रस्त्यावर पाडून मारहाण केली. त्यानंतर मुलाने ट्रॅफिक पोलिसाला लाथांनी मारहाण केली. ही घटना घडत असताना घटनास्थळी नागरिकांनी मोठी गर्दी केली. दुसऱ्या पोलिसांनी या तरुणाला अडवण्यात आले. तरी देखील बापलेकाने ट्रॅफिक पोलिसांना बेदम मारहाण केली.
पोलिसांनी सांगितले की, नालासोपाऱ्यात दोन वाहतूक पोलिसांना लाथाबुक्क्यांनी मारहाण करण्यात आली. हनुमंत सांगळे आणि शेष नारायण अत्रे असे मारहाण झालेल्या वाहतूक पोलिसांचे नाव आहे. तर मंगेश नारकर आणि त्यांचा मुलगा पार्थ नारकर अशी मारहाण करणाऱ्या बापलेकांची नावे आहेत.
या घटनेचा व्हिडीओ व्हायरल झाल्यानंतर बाप लेकावर नालासोपाराच्या तुळींज पोलिस ठाण्यात गुन्हा दाखल करण्याची प्रक्रिया सुरू करण्यात आली आहे. वसई-विरार शहरात वाहन चालकांकडून वाहतूक पोलिसांवर मारहाण करण्याचे प्रकार शहरात वाढू लागले आहेत. पोलिसांना मारहाण करणाऱ्यांवर कठोर कारवाई करण्यात यावी अशी मागणी केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.