राज्याच्या तापमानात चढ - उतार होत असून गारठा कायम आहे. सकाळी निमुळती थंडी आणि दुपारी उन्हाचा कडाका जाणवत आहे. राज्यातील काही ठिकाणी पारा सातत्याने १० अंशांच्या खाली आहे. आज राज्याच्या किमान तापमानात ऊन आणि गारठा पाहायला मिळणार आहे, त्यामुळे थंडी कायम राहण्याची शक्यता हवामान विभागाने वर्तवली आहे.

शुक्रवारी धुळे आणि परभणीत ७ अंश सेल्सिअस तापमानाची नोंद झाली. निफाड येथे ७.९ अंश सेल्सिअस तापमान नोंदले गेले. अहिल्यानगर आणि जेऊर येथे ९ अंश, तर पुणे, मालेगाव, ‎‎नाशिक, भंडारा, ‎गोंदिया आणि यवतमाळ येथे १० अंशांपेक्षा कमी तापमानाची नोंद झाली. आज राज्यातील कमाल आणि किमान तापमानात चढ-उतार कायम राहण्यासह, थंडी टिकून राहण्याचा अंदाज हवामान विभागाने वर्तवला आहे. महाराष्ट्रात सतत बदलत असलेल्या तापमानामुळे नागिरक हैराण झाले आहेत. बदलत्या वातावरणामुळे वेगवेगळ्या आजारांनी मान वर काढली आहे. मराठवाडा, विदर्भात थंडीचा कडाका कायम असल्याने ठिकठिकाणी शेकोट्या पेटलेल्या पाहायला मिळत आहेत.

रब्बी हंगामातील पिकांना फटका

थंडीमुळे रब्बी हंगामातील पिकांना फटका बसु लागला आहे.कळंब तालुक्यात प्रामुख्याने हरभरा पिकावर घाटेअळीचा प्रादुर्भाव वाढत आहे.त्यामुळे हरभऱ्याच्या उत्पादनावर परीणाम होण्याची शक्यता वर्तविण्यात येत आहे.कळंब तालुक्यात हंगामी शेती करणाऱ्या शेतकऱ्यांची संख्या मोठी आहे.खरीप व रब्बी हे दोन्ही प्रमुख पीक हंगाम असुन विविध पिकांची लागवड केली जाते.यंदा अतिवृष्टीमुळे सोयाबीनचे मोठ्या प्रमाणावर नुकसान झाले असून अनेक शेतकऱ्यांचा पेरणी खर्च ही निघालेला नाही त्यामुळे शेतकऱ्याची संपुर्ण मदार ही रब्बी हंगामातील हरभरा पिकावर आहे.माञ हरभऱ्यावर घाटेअळीचा प्रादुर्भाव वाढल्याने उत्पादनात घट होण्याची शक्यता शेतकऱ्यांतुन व्यक्त केली जात आहे.

महाराष्ट्रातील जिल्ह्यांचे तापमान

‎पुणे : ९.९

अहिल्यानगर : ८.५

धुळे : ७.०

जळगाव : १२.६

जेऊर : ८.५

‎‎कोल्हापूर : १४.५

‎महाबळेश्वर : ११.७

मालेगाव : ९.८

‎‎नाशिक : ९.६

निफाड : ७.९

‎‎सांगली : १२.०

‎सातारा : ११.०

‎सोलापूर : १४.६

‎सांताक्रूझ : १६.९

डहाणू : १६.६

‎रत्नागिरी : १८.१

‎छत्रपती संभाजीनगर : ११.२

‎धाराशिव : १२.०

परभणी : ७.०