अभिजीत देशमुख, साम टीव्ही

कल्याण-डोंबिवलीमधील नागरिकांची चिंता वाढली आहे. मुंबई जवळ असलेल्या कल्याण-डोंबिवलीत कोरोनाचा धोका वाढला आहे. या शहरात कोरानाने आतापर्यंत तिघांचा बळी घेतला आहे. तिघांच्या मृत्यूनंतर परिसरात राहणाऱ्या लोकांनी सजग राहण्याचा आवाहन प्रशासनाकडून करण्यात आलं आहे.

गेल्या काही दिवसांपासून कल्याण-डोंबिवलीत कोरोनाची संख्या वाढत असल्याचं पाहायला मिळत आहे. कोरोनामुळे कल्याण-डोंबिवलीत आतापर्यंत तिघांचा बळी गेल्याची माहिती हाती आली आहे. मुंबईला लागून असलेल्या शहरातील कोरोना रुग्णांची संख्या १३ वर पोहोचली आहे. कोरोनातून बरे झालेल्या ७ जणांना डिस्चार्ज देण्यात आला आहे. तर कोरोनाचे दोन रुग्ण गृह विलगीकरणात आहेत.

कल्याणमध्ये कोरोना झालेला एक रुग्ण खासगी रुग्णालयात उपचार घेत आहे. कल्याण-डोंबिवलीत ७७ वर्षीय व्यक्तीचा कोरोनामुळे मृत्यू झाला आहे. तर या व्यक्तीला सहव्याधी होत्या. ७७ वर्षीय व्यक्तीच्या मृत्यूने कोरोना रुग्णाची संख्या ३ वर पोहोचली आहे.