पुणे : कोरोनामुळे मागील दीड वर्षांपासून बंद असलेल्या शाळा परत सुरु करण्यात आले आहेत. राज्यात ग्रामीण भागात ५ वी ते १२ वी आणि शहरामध्ये ८ वी ते १२ वीच्या शाळा सुरु करण्यात आले आहेत. दरम्यान, आता शाळा सुरु झाल्याच्या पहिल्याच दिवशी पुण्यात धक्कादायक असा प्रकार समोर आला आहे. गेल्या वर्षीची फी न भरल्यामुळे विद्यार्थ्याला बाहेर ठेवण्यात आल्याची घटना घडली आहे.

हे देखील पहा-

पुण्यातील सिंहगड रोडवर असलेल्या शाळेत हा धक्कादायक प्रकार घडला आहे. ज्ञानगंगा शाळेतील एका विद्यार्थ्याला फी न भरल्यामुळे बाहेर ठेवण्यात आले आहे. या अगोदर शाळांकडून केल्या जाणाऱ्या फी वसुलीबाबत पालक आणि विद्यार्थ्यांनी आंदोलन देखील केलं होतं.

आता फी न भरल्यामुळे विद्यार्थ्याला बाहेर ठेवल्याच्या घटनेनं संताप व्यक्त केला जात आहे. शाळांनी फी वरून सुरु केलेल्या मनमानी विरोधामध्ये पालक आणि विद्यार्थी चांगलेच आक्रमक झाले आहेत. शाळेच्या पहिल्याच दिवशी असा प्रकार संतापजनक असल्याची भावना पालकांमधून व्यक्त केली जात आहे.

Edited By- Digambar Jadhav