विनय म्हात्रे, प्रतिनिधी
Thane News: शवविच्छेदन नको म्हणून आपल्या 8 महिन्याच्या मुलाचा मृतदेह घेऊन वडिलांनी पोबारा केल्याची घटना ठाणे पालिकेच्या छत्रपती शिवाजी महाराज रुग्णालयात घडली आहे. हा प्रकार समोर आल्यानंतर रुग्णालयात एकच गोंधळ झाला. याची माहिती रुग्णालय प्रशासनाकडून तात्काळ पोलिसांना देण्यात आली, ज्यानंतर मुलाच्या वडिलांना ताब्यात घेण्यात आले आहे. (Thane Latest News)
याबाबत सविस्तर माहिती अशी की, गुरूवारी रात्री १०:३० च्या दरम्यान या ८ महिन्याच्या बाळाला उपचारासाठी रुग्णालयात आणण्यात आले होते. मात्र आज पहाटे उपचारा दरम्यान या बाळाचा मृत्यू झाला. या बाळाला जेव्हा रुग्णालयात आणले होते त्या वेळी निमोनिया आणि खोकल्याच्या औषधाचा ओव्हर डोस दिल्याचे आढळून आले होते.
बाळाचा मृत्यू झाल्यानंतर शव विच्छेदन करावे लागेल असे डॉक्टरांनी सांगितल्यानंतर बाळाच्या वडिलांनी त्यास विरोध केला आणि वार्डमधून आपल्या बाळाचा मृतदेह घेऊन सरळ पसार झाला. ही घटना घडल्यानंतर रुग्णालयात एकच गोंधळ झाला. याची माहिती रुग्णालय प्रशासनाकडून तात्काळ पोलिसांना देण्यात आली.
त्यानंतर पोलिसांनी तात्काळ कारवाई करत शिळ डायघर येथून बापाला ताब्यात घेऊन कळवा रुग्णालयात आणले आहे. बाळाचा मृतदेहही रूग्णालयात आणण्यात आलेला आहे. बाळाला घेवून जात असताना सुरक्षा रक्षकांनी अडवण्याचा प्रयत्न केला, मात्र त्यांचा विरोध जुगारून पळून जाण्यात संबंधिताला यश आले. या घटनेची सध्या परिसरात चांगलीच चर्चा होत आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.