Rasta Roko Andolan : सोलापूर जिल्ह्यात दुष्काळ जाहीर करा; युवा सेनेचा पंढरपूर -पुणे राष्ट्रीय महामार्गावर रास्ता राेकाे

Pandharpur News : मागील तीन महिन्यांपासून सोलापूर जिल्ह्यातील पावसाने दडी मारली आहे. त्यामुळे दुष्काळ जन्य परिस्थिती निर्माण झाली आहे. शासनाने सोलापूर जिल्ह्यात दुष्काळ जाहीर करावा या मागणीसाठी ठाकरे गटाच्या युवा सेनेच्या (yuva sena) वतीने आज (शुक्रवार) माळशिरस (malshiras) येथे रास्ता रोको आंदोलन करण्यात आले‌. (Maharashtra News)

युवा सेनेचे जिल्हाध्यक्ष गणेश इंगळे यांच्या नेतृत्वाखाली पंढरपूर -पुणे राष्ट्रीय महामार्गावर (pandharpur pune national highway) रास्ता रोको आंदोलन केले. सुमारे दोन तास चाललेल्या आंदोलनामुळे या मार्गावरील वाहतूक ठप्प झाली होती.

उजनी धरणातून कालव्याद्वारे पाणी सोडावे,चारा छावण्या सुरू कराव्यात, पाण्याचे टॅंकर सुरू करावेत, विद्यार्थ्यांचे शैक्षणिक शुल्क माफ करावे, शेतकऱ्यांना कर्ज माफी द्यावी आदी मागण्यांसाठी आंदोलन करण्यात आले.

Edited By : Siddharth Latkar